42:20  voire,  d'autant  qu'il  pensoit  bien  en  venir  a  bout,  car  ce  roy  qui  avoit  fait  la  guerre,  a  scavoir  (ce  bien  faicteur  que  nous  avons  dit)  estoit  trespasse,  il  y  avoit  son  fils  qui  regnoit.  Or  il  vient  sous  umbre  que  cettui-ci  estoit  puisnai,  et  la  dessus  il  luy  fait  la  guerre,  mais  l'autre  se  revenge,  et  en  la  fin  cet  Epiphanes  le  grand  ne  peut  rien  faire,  non  pas  que  du  premier  coup  il  soit  reboute,  car  il  n'avoit  pas  aussi  a  faire  a  un  ennemi  vertueux.  Cettui-ci  se  nommoit  aussi  bien  Ptolomee  que  les  autres,  mais  c'estoit  un  malheureux  qui  ne  se  soucioit  que  de  ses  gourmandises,  et  tellement  y  estoit  adonne,  ie  di  a  gourmandises,  paillardises,  et  autres  ordures,  qu'il  y  estoit  la  endormi  comme  un  pourceau,  il  menoit  une  vie  la  plus  brutale  du  monde:  pour  cette  cause  donc  il  ne  se  soucie  gueres  de  tout  ce  qu'il  entreprend  sur  luy,  et  de  fait,  il  laisse  piller  et  voller  une  grande  partie  de  son  pays,  mais  en  la  fin  il  se  revenge  et  gaigne  la  bataille,  et  faut  qu'Epiphanes  le  grand  s'en  retourne  tout  confus,  voire,  ce  qu'on  n'eust  iamais  attendu  et  tout  le  monde  fut  abuse  en  cela,  et  les  Iuifs  mesmes  (qui  s'estoient  alios  avec  luy)  pensans  qu'il  gaigneroit  tout,  ils  mettent  la  leur  fiance,  et  y  ont  leur  refuge,  mais  Dieu  besongne  autrement  contre  l'opinion  de  tout  le  monde,  et  ce  qu'on  n'eust  iamais  espere  ni  attendu.  Or  regardons  au  texte  du  prophete,  il  dit,  Les  fils  d'iceluy  seront  irrites,  et  assembleront  multitudes  de  grosses  armees,  il  viendra,  il  parle  de  l'un,  combien  que  l'appareil  fust  commence  entre  les  deux  freres,  toutesfois  il  n'y  eut  que  cet  Epiphanes  le  grand  qui  vinst  et  s'espardra,  et  passera,  mais  il  s'en  retournera,  et  le  roy  de  Midi  sera  irrite,  et  bataillera  contre  luy,  c'est  a  scavoir,  contre  le  roy  d'Aquilon,  et  sa  multitude  sera  donnee  en  sa  main,  et  cette  multitude  s'eslevera,  et  haussera  son  coeur,  et  se  ruera  sus  plusieurs,  et  ne  se  fortifiera  point.  Or  nous  voions  ici  en  premier  lien,  toute  la  procedure  qu'a  tenu  Epiphanes  le  grand,  car  le  prophete  le  fait  ici  chan  celer  quelque  temps,  qu'il  passe,  qu'il  va,  qu'il  vient,  il  s'en  retourne,  a  cause  qu'il  estoit  en  doute,  pour  les  Romains  qui  avoient  promis  de  secourir  le  roy  d'Egypte,  il  regarde  donc  quel  secours  ii  y  pourra  avoir  de  ce  coste  la,  et  fait  beaucoup  de  circuits,  mais  quand  il  voit  qu'il  n'y  ha  point  de  secours,  alors  il  se  rue  hardiment:  voila  quant  a  un  Item.  Venons  maintenant  a  ce  roy  d'Egypte,  il  se  surnommoit  Philopater  aimant  son  pere,  mais  il  avoit  tue  et  pere  et  mere,  quelque  ieune  qu'il  fust.  Or  il  est  dit  que  ce  roy  ici  en  la  fin  sera  irrite,  pour  signifier  qu'il  n'estoit  pas  un  homme  de  courage,  qui  du  premier  coup  vinst  au  devant  de  son  ennemi,  mais  quand  il  se  sent  pieque  iusques  au  vif,  ainsi  qu'une  grosse  beste  qui  sera  acharnee  a  sa  proye,  comme  un  pourceau  qui  sera  sur  son  auge,