39:20  Hoc  versu  fatetur  propheta  iustam  esse  Dei  vindictam,  ubi  populus  e  terra  eiicitur  in  exsilium,  quia  scilicet  terram  ingressus  non  obediverit  voci  Dei.  Ipse  enim  conspectus  terrae  debuerat  populum  subiicere  Deo.  Neque  enim  poterant  comedere  micam  panis,  quin  semper  illis  veniret  in  mentem  unde  alimentum:  quia  scilicet  Deus  expulerat  gentes  e  terra  illa.  Ubi  igitur  satiantur  omni  genere  bonorum,  et  interea  Deum  spernunt,  nulla  potest  obtendi  excusatio,  quia  si  praetextum  ex  ignorantia  captent,  terra  ipsa  semper  fuit  ante  eorum  oculos,  quae  illos  revocaret  ad  Dei  timorem.  Haec  igitur  ratio  est  cur  propheta  haec  simul  contexat,  Israelitas  ingressos  fuisse  terrami  deinde,  non  paruisse  voci  Dei.  Hae  autem  particula  significat  non  errore  fuisse  lapsos,  quia  Deus  satis  apertum  testimonium  voluntatis  suae  ediderat.  Loquutus  quidem  fuerat  Deus,  sed  surdis.  Ergo  hic  propheta  ostendit  non  aliam  peccandi  causam  fuisse  populo,  nisi  quia  contumaciter  respuit  Dei  vocem.  Deinde  adiungit  eodem  sensu,  non  ambulasse  in  lege  eius.  Lex  enim  saepe  confertur  viae.  Nisi  enim  Deus  praescribat  quid  fieri  velit,  et  omnes  vitae  nostrae  actiones  formet  ad  certam  regulam,  perpetuo  errabimus.  Lex  igitur  Dei  merito  dicitur  similis  esse  viae,  quemadmodum  etiam  Moses  ipse  loquitur.  Haec  via  est,  ambulate  in  ea.  Ieremias  ergo  postquam  ostendit  edoctum  fuisse  populum,  adiungit,  'viam  simul  fuisse  ostensam,  ita  ut  sciens  et  volens  erraverit:  quia  non  potuit  deflectere  ad  dextram  vel  sinistram,  quin  legis  doctrina  revocaretur.  Tertio  dicit,  Quaecunque  praecepisti  ut  facerent  non  fecerunt.  Clari  us  eandem  rem  explicat,  et  absque  figura,  quod  scilicet  noluerint  parere  Deo,  quum  tamen  satis  tenerent  quid  rectum  esset.  Lex  enim  non  patiebatur  ipsos  errare:  et  illic  complexus  fuerat  Deus  quidquid  utile  erat  cognitu.  Propheta  igitur  ostendit  populum  nonnisi  pertinacia  deflexisse,  quoniam  sciebat  quid  Deus  exigeret:  quemadmodum  Lacedaemonius  ille  dixit  Athenienses  scire  quid  rectum  esset,  nolle  autem  facere.  Ita  hoc  loco  discernit  propheta  apertam  impietatem,  et  contemptum  populi  ab  ignorantia  et  errore,  neque  simpliciter  intelligit  populum  non  satisfecisse  omnibus  praeceptis.  Et  hunc  etiam  locum  perperam  exponit  Hieronymus.  Dicit  enim  non  stetisse  Israelitas  promissis,  quia  dixerant  se  facturos  quidquid  Deus  mandaret.  Sed  hic  non  una  tantum  in  parte  accusat  eos  propheta,  ac  si  diceret  fuisse  aliquem  defectum,  sed  in  totum  dicit  fuisse  immorigeros,  quia  non  unum  modo  praeceptum  Dei  contempserint,  sed  quasi  ex  professo  abiecerint  totam  legem,  et  nullum  ex  Dei  mandatis  admiserint.  Haec  igitur  negativa  exprimit  populi  defectionem  in  tota  lege,  et  singulis  praeceptis.  Hic  autem  locus  notatu  dignus  est,  quia  consulto  repetit  pro-