35:20  vernez  par  ceux  qui  ont  plus  d'experience.  Cela  est-il  fait?  O  il  ne  faut  point  que  sous  ombre  d'anciennete  nous  soyons  retenus  pour  ne  plus  iuger,  et  que  nous  allions  comme  povres  bestes,  et  quand  les  gens  aagez  nous  auront  dit,  II  faut  ainsi  faire,  nous  tenions  comme  un  oracle  tout  ce  qui  sera  sorti  de  leur  bouche.  Car  la  discretion  doit  estre  coniointe  avec  le  zele:  comme  nons  avons  desia  declare,  que  l'Esprit  de  Dieu  contient  en  soy  tous  les  deux.  Ainsi  donc  s'il  y  a  modestie  aux  hommes,  il  faut  qu'il  y  ait  et  zele  et  discretion  :  et  non  seulement  il  ne  faut  pas  que  nous  soyons  bridez  a  l'authorite  de  ceux  qui  ont  long  temps  vescu:  mais  mesmes  quand  il  est  question  de  nous  amener  tout  le  monde,  l'anciennete  ne  doit  apporter  nul  preiudice  a  ce  qui  est  droit  et  utile.  Comme  quoy?  I'ay  desia  dit,  que  si  toutes  les  vieilles  gens  de  la  Papaute  avoyent  conspire  contre  l'Evangile,  et  qu'ils  voulussent  qu'on  se  tint  a  leur  facon  accoustumee,  o  il  n'est  pas  dit  que  cela  ferme  la  porte  a  Dieu  et  a  sa  parole:  que  les  ieunes  gens  soyent  empeschez  de  maintenir  la  verite,  si  les  anciens  sont  contre,  et  quand  ils  auront  nourri  long  temps  le  mal,  qu'ils  vueillent  qu'on  s'y  tienne:  car  ceux  a  qui  Dieu  aura  fait  meilleure  grace  se  doivent  opposer  a  cela.  Mais  il  faut  maintenant  passer  plus  outre,  a  savoir  que  si  on  nous  dit,  Comment?  Ii  y  a  cent  ans  que  nos  peres  et  nos  ancestres  ont  ainsi  vescu,  il  y  a  cinq  cens  ans,  voire  mille  que  cela  a  este  observe,  qu'on  Fa  tenu  pour  une  loy  et  une  regle  infallible:  quand,  di-ie,  on  nous  alleguera  ceste  anciennete  du  temps,  voire  qu'on  nous  ameneroit  iusques  en  la  creation  du  monde,  si  ne  faut-il  point  que  la  verite  de  Dieu  soit  oppriinee  sous  ceste  ombre-la.  Ainsi  donc  nous  voyons  maintenant  qu'il  n'est  point  question  d'estre  povres  aveugles  pour  estre  modestes:  mais  que  nous  devons  tenir  moyen  et  mesure.  Et  c'est  ce  qu'Eliu  adiouste.  Tay  dit,  L'aage  parlera,  et  la  multitude  des  ans  annoncer  a  science:  mais  c'est  V  Esprit  de  Dieu  qui  habite  aux  hommes\  et  V  inspiration  du  Tout-puissant  donne  intelligence.  Voila  donc  l'ordre  de  nature  qui  va  devant,  c'est  a  savoir  que  nous  devons  escouter  les  anciens.  Car  quand  on  a  a  choisir  des  gouverneurs  en  une  ville  ou  en  un  pays,  de  prendre  des  ieunes  fols,  volages,  et  escervelez,  qui  ne  savent  que  c'est  de  gouverner  leurs  personnes,  qui  soyent  la  pour  estre  iuges  et  conducteurs:  c'est  pervertir  l'ordre  de  nature,  c'est  une  honte,  et  il  semble  qu'on  vueille  despiter  Dieu  toutes  fois  et  quantes  que  cela  se  fait.  Quand  donc  on  pourroit  choisir  gens  posez,  gens  de  bonne  gravite,  et  meure,  et  on  laisse  ceux-la  croupir  en  leurs  maisons,  et  cependant  on  prend  des  esventez,  des  petis  escargots  qui  sont  d'une  nuict,  et  les  vaon  colloquer  au  siege  de  iustice,  et  ils  ne  savent