34:20  Si  nous  avions  bien  apprins  ceste  lecon,  ce  seroit  beaucoup  profite  pour  un  iour,  ie  di  que  nous  Peussions  apprise  pour  la  bien  prattiquer  comme  il  faut.  Oar  la  plus  part  confesseront  assez,  que  les  maladies,  les  povretez,  et  les  autres  miseres,  guerres,  pestes,  famines,  que  tout  cela,  di-ie,  vient  de  Dieu:  mais  si  ce  vient  a  l'experience,  nous  sommes  esperdus,  et  ne  pouvons  pas  faire  ceste  conclusion,  Et  bien,  d'autant  que  Dieu  nous  visite,  et  qu'il  approche  de  nous,  maintenant  il  nous  faut  reduire  a  lui.  Par  devant  nous  faisions  des  chevaux  eschappez,  nous  voulions  nous  esgarer  de  lui:  maintenant  il  nous  tient  la  bride  roide,  il  nous  monstre  sa  verge,  voire  et  nous  la  fait  sentir:  il  faut  donc  que  nous  apprenions  de  nous  humilier  sous  sa  main.  Mais  au  contraire,  comment  en  faisons  nous?  Si  un  homme  est  afflige  en  particulier,  que  fera-il,  sinon  se  chagriner,  et  en  grincant  les  dents  se  despiter  a  l'encontre  de  Dieu?  Et  pourquoy?  ll  est  vray  que  si  on  luy  remonstre  qu'il  offense  Dieu,  il  dira  bien,  II  est  vray:  mais  il  n'a  pas  un  droit  remors  pour  se  reprimer.  Et  pourquoy?  Car  nous  n'avons  (comme  i'ay  dit)  sinon  une  apprehension  confuse*  Par  cela  voit-on  qu'il  y  en  a  bien  peu  qui  ayent  bien  ceste  doctrine  imprimee  en  leur  esprit,  c'est  assavoir,  que  toutes  les  afflictions  sont  les  archiers  de  Dieu,  et  qu'il  en  est  equippe  afin  de  se  monstrer  nostre  Iuge.  Autant  en  est-il  des  afflictions  communes  qui  adviennent.  Si  un  peuple,  ou  tout  un  pays  a  une  guerre,  comme  il  y  aura  des  pillages  et  autres  extorsions  et  excez  qui  se  commettent,  combien  y  en  a-il  qui  pensent  a  Dieu?  Nous  voyons  que  tout  foudroye:  et  nous  ne  pensons  point  cependant  que  Dieu  gouverne.  Voyans  une  telle  froidure,  nous  sommes  admonnestez  d'autant  plus  de  bien  marquer  et  noter  les  passages  de  l'Escriture  saincte,  ou  Dieu  nous  monstre  comme  en  un  miroir,  ou  bien  en  une  peinture  vive,  que  si  les  hommes  sont  chastiez  de  quelque  coste  que  ce  soit,  il  faut  adonc  qu'ils  cognoissent  que  c'est  la  main  de  Dieu  :  et  mesmes  quand  tout  un  pays  sera  persecute,  qu'on  cognoisse  aussi,  Voila  Dieu  qui  le  visite.  Et  pourtant  quand  telle  chose  adviendra,  que  nous  ensuivions  l'exemple  de  Iob,  c'est  qu'apres  avoir  pleure,  voire  iusques  a  ternir  nostre  face  de  larmes,  nous  venions  faire  confession  de  nos  fautes,  et  que  nous  demandions  a  Dieu  qu'il  nous  soit  pitoyable.  I'ay  desia  dit  que  les  incredules  pleurent:  mais  il  faut  s'adresser  a  Dieu,  et  alors  ne  doutons  point  que  nos  larmes  ne  lui  soyent  precieuses:  comme  nous  oyons  aussi  que  David  en  parle,  que  Dieu  les  a  mises  toutes  comme  en  une  phiole.  Quand  nous  serons  affligez,  et  que  nous  n'en  pourrons  plus,  recourons  a  nostre  Dieu.  Et  si  nous  pleurons  devant  lui,  voire  en  droite  humilite,  il  est  certain  qu'il  ne  tombera  larme  de  nos  yeux,  qui  ne  viene