28:20  que  les  femmes  doivent  avoir  une  honnestete  saincte,  ou  une  sainctete  decente.  Il  use  d'un  mot  qui  emporte  cela,  quand  il  parle  de  Taccoustrement  des  femmes  fidelles:  que  non  seulement  elles  doivent  estre  honnestes,  mais  il  y  doit  avoir  avec  cela  quelque  marque  de  sainctete,  qu'on  cognoisse  qu'elles  ont  profite  en  la  parolle  de  Dieu.  Et  de  faict,  si  nous  regardions  bien  quelle  est  l'origine  des  vestemens,  nous  ne  serions  pas  si  adonnez  a  pompes  superflues,  comme  nous  sommes.  Car  toutes  fois  et  quantes  que  nous  prenons  et  chemise  et  robe,  nous  sommes  admonnestez,  que  nostre  Seigneur  nous  commande  de  nous  cacher,  a��  cause  que  son  image  a  este  deffiguree  en  nous,  que  nous  devons  penser  au  peche  de  nostre  pere  Adam,  quand  nous  sommes  vestus.  Car  par  le  peche  nous  sommes  assuiettis  et  a,  froid  et  a  chaut:  et  puis,  Dieu  nous  declaire  que  cela  nous  est  un  signe  de  nostre  confusion.  Car  la  nudite  de  soy  n'eust  point  este  villaine,  sans  que  l'image  de  Dieu  a  este  deffiguree  par  nostre  corruption.  Si  nous  avions  ce  regard-la,  il  est  certain  que  nous  serions  plus  attentifs  a  tenir  ordre  et  mesure  en  nos  accoustremens  que  nous  ne  sommes  point.  Quoy  qu'il  en  soit,  apprenons  que  Dieu  non  seulement  veut  nous  tenir  purs  et  nets  de  toute  paillardise:  mais  il  veut  que  nous  prevenions  les  dangers.  Comme  quand  il  dit:  Tu  ne  paillardoras  point:  ce  commandementla  se  rapporte  a  ceste  sentence.  Nous  avons  declaire  par  ci  devant,  que  toutes  les  loix  qui  sont  ici  descrites,  concernent  les  moeurs  et  la  reigle  de  bien  vivre,  qu'elles  se  rapportent  aux  dix  parolles:  car  Dieu  n'a  rien  adiouste  a  ces  dix  parolles-la.  Quand  donc  il  est  dit  en  ce  passage:  Que  l'homme  ne  prendra  point  la  robe  d'une  femme,  y  a-il  un  onziesme  commandement  que  Dieu  y  ait  mis?  Dieu  s'est-il  advise  depuis,  pour  adiouster  quelque  chose  a  ce  que  nous  avons  ouy  par  ci  devant?  Nenni��  Mais  seulement  c'est  comme  une  exposition  de  ce  qu'il  a  dit:  Tu  ne  paillarderas  point.  Pourquoy?  Car  quand  Dieu  a  defendu  de  paillarder,  il  n'a  point  seulement  defendu  l'acte,  qui  seroit  puni,  et  qui  est  reprochable  devant  les  hommes:  mais  il  a  defendu  en  somme  tous  gestes  impudiques,  que  cela  ne  se  voye  point  et  en  nos  accoustremens,  et  en  toute  nostre  conversation:  que  nous  gardions  telle  mesure,  que  nos  accoustremens  ne  tendent  point  a  impudici  te:  que  nous  ne  soyons  point  dissolus,  en  sorte  qu'on  nous  puisse  redarguer  que  nous  ne  cerchons  qu'a,  faire  un  meslinge,  et  que  nous  ne  regardons  point  que  tous  meslinges  tendent  a  confusion:  et  qu'il  faut  que  les  hommes  et  les  femmes,  pour  eviter  un  tel  mal,  regardent  de  suyvre  chacun  sa  vocation.  Si  donc  nous  n'avons  cela,  encores  que  nous  ne  soyons  point  paillards  de  faict,  si  est-ce  que  desia  nous  sommes  entachez  de