26:20  n'avons  quelque  humanite  entre  nous  pour  estre  freres,  et  pour  nous  abstenir  de  toutes  nuisances  et  extorsions?  Et  cependant  notons  aussi,  que  selon  que  Dieu  approche  les  hommes,  et  qu'il  met  quelque  voisinage  entre  eux,  ils  doivent  s'apprester  a  faire  service  les  uns  aux  autres:  que  s'ils  ne  le  font,  c'est  comme  despiter  Dieu  et  nature.  Mais  maintenant  nous  avons  a  voir  le  parentage  qui  estoit  entre  les  enfans  d'Israel,  et  les  Moabites  et  Ammonites.  Il  est  vray  que  l'origine  de  ces  deux  peuples  ici  estoit  d'inceste,  tellement  qu'ils  ne  se  pouvoyent  point  glorifier  en  leur  lignee.  Et  de  faict,  leurs  noms  estoyent  comme  marques  d'ignominie  a  tout  iamais.  Qu'est-ce  a  dire  Moab?  de  mon  pere*  Qu'une  fille  ait  conceu  de  son  pere?  Voila  une  oeuvre  brutale,  et  execrable.  Et  puis,  qu'est-ce  a  dire,  Ammon?  de  mon  peuple,  c'est  a  dire,  de  mon  sang,  que  l'autre  fille  ayant  la  enyvre  son  pere,  coDcoive  aussi  bien:  tout  cela  est  contre  nature.  Voila  donc  ces  peuples  qui  ne  sont  pas  dignes  d'estre  reputez  fils  de  putains,  sortis  d'un  bourdeau.  Mais  il  y  ha  encores  une  chose  plus  detestable,  d'autant  que  cela  est  contre  tout  ordre,  et  honnestete  humaine.  Et  toutesfois  Dieu  veut  que  les  enfans  d'Israel  recognoissent  ce  parentage-la,  non  point  pour  honneur,  ou  dignite,  mais  seulement  a  cause  de  Lot,  combien  qu'il  se  fust  enyvre  d'une  facon  brutale,  iusques  a  ne  discerner  plus.  Tant  y  a  qu'encores  Dieu  continue  sa  bonte  envers  luy:  pour  ceste  cause  il  veut  porter  faveur  a  son  lignage,  et  aux  enfans  qui  sont  descendus  de  sa  race.  Et  en  cela  voyons-nous  que  Dieu  n'a  point  eu  esgard  a  l'excellence  des  peuples  envers  lesquels  il  s'est  monstre  si  liberal:  mais  qu'il  a  use  de  sa  pure  misericorde.  Comme  aussi  quant  aux  enfans  d'Israel,  si  Dieu  y  eust  cerche  noblesse  pour  estre  esmeu  a  se  monstrer  si  benin  envers  eux,  de  les  traiter  si  humainement:  et  que  seroit-ce?  Car  la  lignee  principale  estoit  celle  de  Iuda.  Et  dont  est  venu  Phares,  et  son  frere  Zare?  d'inceste  aussi  bien.  Que  Iuda  voulant  paillarder  avec  une  putain  qui  auroit  couru  l'aigueillette,  s'accouple  avec  sa  belle  fille,  et  se  mette  la  comme  feroyent  les  chiens,  et  los  taureaux:  voila  donc  une  villenie  si  grande,  que  les  Payens  mesmes  en  auroyent  honte:  ceux  qui  n'ont  iamais  cognu  que  c'est  de  Dieu  ne  de  religion,  ne  pourroyent  faire  pis:  bref,  cela  estoit  pour  faire  racler  tout  ce  lignage-la.  Et  toutesfois  nous  voyons  que  de  la  est  sorti  David:  et  qu'en  sa  lignee  Dieu  a  voulu  establir  le  siege  du  royaume,  voire,  et  non  point  un  royaume  terrien  et  caduque  :  mais  qui  fust  la  figure  de  ce  royaume  eternel  qui  nous  mene  auiourd'huy  iusques  aux  cieux  :  que  nostre  Seigneur  Iesus  mesmes  est  descendu  de  ceste  lignee-la.  Et  ainsi  voyons-nous  (comme  i'ay  desia  dit)  que  Dieu  n'a  point  ici  cerche  de  dignite,  pour  dire  :  Ce  peuple