24:20  tam  crasse  hallucinatos  fuisse  multos  interpretes.  Inter  omnes  convenit  masculini  generis  esse  pronomen:  ideoque  secundum  communem  usum  referri  ad  viros  debere  :  sed  quia  vicissim  inter  se  mutantur  duae  literae  U  et  2,  uno  contextu  totum  versum  putarunt  ad  mulieres  spectare.  Atqui  nulla  cogebat  necessitas:  quando  optime  fluit  oratio,  auctos  fuisse  Israelitas  et  valde  crevisse,  et  quia  timuerunt  Deum  obstetrices,  fecisse  illis  domos,  nempe  Israelitis:  ac  si  diceret,  mulierum  pietate  adeptos  esse  felicem  propagationem.  Et  quia  nonnulli  ex  falsa  interpretatione  vix  posse  commodum  sensum  elici  videbant,  finxerunt  Dei  inspiratione  exstructas  illis  fuisse  domos  bene  munitas  a  populo,  ubi  tutae  essent  ab  hostili  incursu.  Quo  figmento  nihil  est  magis  puerile.  Verum  ne  in  re  non  admodum  perplexa  frustra  se  torqueant  lectores,  videndum  est  quid  apud  Hebraeos  valeat  haec  loquutio  :  Domum  facere.  Quum  promittit  Deus  (1.  Sam.  2,  35)  se  facturum  Samueli  domum  fidelem,  non  dubium  est  quin  firmum  sacerdotii  statum  designet.  Quum  alibi  (2.  Sam.  7,  27)  se  pronunciat  domum  aedificaturum  Davidi,  et  paulo  post  in  precatione  Davidis  legitur  :  Domine  tu  in  aurem  servi  tui  revelasti  quod  domum  facturus  mihi  esses  (1.  Sam.  25,  28):  certe  intelligitur  regia  dignitas.  Atque  ita  vulgo  loquutos  fuisse,  ex  sermone  Abigail  constat,  ubi  se  scire  dicit  Deum  facturum  Davidi  certam  ac  stabilem  domum.  Id  certe  in  sexum  muliebrem  non  competit,  sicuti  neque  nomen,  ut  femina  caput  familiae  efficiat.  Unde  apparet  violenter  torqueri  verba  si  dicamus  Deum  fecisse  obstetricibus  domum.  Toti  autem,  populo  aptissime  conveniet,  quod  a  Deo  fuerit  multiplicatus,  ut  instar  perfecti  aedificii  consurgeret  ad  suam  altitudinem.  Summa  est,  quod  salvi  et  superstites  fuerunt  Israelitae:  Imo  quod  floruerunt,  id  duarum  mulierum  opera  esse  factum:  quo  melius  eluceat  Dei  gloria,  qui  tam  mirabiliter  per  infirma  organa  suos  servavit,  quia  minimum  abfuerant  ab  interitu.  Ponit  autem  Moses  domos  numero  plurali,  quia  per  singulas  familias  prole  subolescente  aedificatus  est  populus.  22.  Tunc  praecepit  Pharao.  Nisi  correptus  amentia  fuisset  ac  caecitate  percussus,  sensisset  adversam  sibi  esse  Dei  manum.  Sed  ubi  semel  reprobi  in  furorem  divinitus  coniecti  sunt  obstinate  pergunt  in  suis  maleficiis:  neque  id  modo,  sed  maiore  audacia  ut  vertiginosi  vel  phrenetici  adversus  quaevis  obstacula  perrumpunt.  Est  quidem  hoc  usitatum  ut  crudelitas  innoxio  sanguine  imbuta  maiorem  sitim  colligat,  imo  in  genere,  ut  scelerati  homines  quasi  suo  cursu  incitati  magis  ebulliant  (ita  illis  nullus  est  peccandi  finis,  vel  modus)  sed  hic  nobis  in  tam  desperata  rabie  consideranda  est  Dei  ultio,  quod  tyrannum  diabolo  praecipitandum  dederit:  deinde  tam  probandae  suorum  patientiae