20:20  succurri  nulla  ratione  posset.  Sed  et  intra  ipsa  Normanniae  viscera  versabatur  cum  exercitu  non  contemnendo  Ringravius,  Sequana  inter  ipsius  et  nostras  copias  interiecta,  et  unus  ex  Guisii  fratribus,  quem  Marchiones  vocant,  recens  in  arcem  Cadomensem,  9)  longe  munitissimam  et  nobis  proximam  erat  ingressus,  ut  omnia  nostra  consilia  impediret.  Ecce  vero  dum  in  istis  summis  difficultatibus  versamur,  et  ex  altera  Sequanae  parte,  cuius  ostia  nos  a  Graciensi  portu  intercludebant,  secundos  ex  Anglia  ventos  exspectamus,  fratres  qui  Cadomi  mirabiliter  ad  eum  usque  diem  fuerant  a  Deo  conservati,  Amiraldum  rogant,  ut  sibi  adversus  Marchionem  opem  ferat,  simulque  monent,  arcem  non  difficulter  capi  posse,  munitam  quidem  illam,  sed  quae  ab  imbelli  duce  et  paucis  militibus  obtineretur.  Itaque  acceptis  ex  Graciensi  portu  quinque  peditum  Anglorum  cohortibus,  et  militibus  aliquot  praeterea  ex  Diepa,  qui  alter  remotior  portus  ante  mensem  a  nostris  receptus  fuerat,  ad  nostros  una  cum  duce  fortissimo  Mongommerio  accurrentibus,  recta  Cadonium  cum  octo  crassis  tormentis  contendimus.  Urbs  statim  a  fratribus  traditur,  quassantur  arcis  moenia,  adeo  ut  altero  post  oppugnationem  die,  contra  omnium  exspectationem,  ultro  se  nobis  dederet.  Qui  intus  fuerant  cum  armis  quidem  dimissi,  sed  postea  spoliati  a  nostris  equitibus  et  pessime  sunt  habiti,  quibus  Rotomagensis  clades  adhuc  ob  oculos  erat.  Ea  porro  victoria  sic  fregit  hostium  animos,  accepto  etiam  de  Guisii  caede  nuncio,  ut  intra  decem  dies  non  modo  tredecim  celebres  urbes,  in  quibus  sunt  quatuor  episcopales  sedes,  receperimus,  sed  etiam  Cenomani,  Andegavi,  Pictones,  Turones  et  vicini  omnes  populi,  prorsus  in  nostra  potestate  fore  viderentur.  Dum  haec  in  Normannia  geruntur  Aureliae  Guisius10)  suburbium,  quod  Ligeris  ab  urbe  separat,  una  cum  pontis  castello,  partim  praesidiariorum  militum  ignavia,  partim  proditione  capit.  Cives  ex  adverso  aliquot  pontis  fornicibus  repente  dirutis,  et  excitatis  aggeribus,  munitaque  insula11)  quae  pontem  medium  dividebat,  oppugnationem  fortiter  sustinebant,  tantisper  dum  victor  noster  exercitus  supervenire^  quum  ecce  Deus  alterum  Aod  nobis  excitavit,  qui  interfecto  Guisio  non  tam  urbem  illam,  quam  totam  Galliam  liberaret.  Ab  eo  tempore,  dum  nos,  persoluto  tandem  militibus  nostris  stipendio,  ad  opem  obsessis  ferendam  accurrimus,  de  pace  agi  coeptum.  Condensis  primum  et  Conestabilis  in  insula,  data  utrinque  suis  custodibus  fide,  ex  Reginae  voluntate  convenerunt.  Postridie  ille  in  urbem  ad  nostros,  iste  ad  9)  Caen  (ibid.  258).  10)  ibid.  266.  11)  l'ile  ausu  boeufs,  (ibid.  278.)  Hoc  factum  est  Nonis  Martiis.