14:20  tesmoignage  et  sans  feintise  a  sa  verite.  Car  quelque  risee  quilz  en  facent,  ce  leur  sera  comme  une  foudre  a  leur  confusion,  quand  ils  norront  que  ce  qui  est  fonde  en  Dieu  et  en  sa  parole.  Au  reste,  vous  savez  qui  est  celui  qui  a  promis  de  donner  bouche  et  sagesse  aux  siens,  a  laquelle  tous  ses  adversaires  ne  pourront  resister:  demandez  luy  quil  vous  conduise,  selon  quil  conoistra  estre  bon.  Ils  ne  laisseront  pas  pour  cela  de  vous  tenir  conveincu  dheresie,  mais  autant  en  a  il  este  fait  a  tous  les  Apostres  et  Prophetes  et  a  tous  les  Martyrs.  Le  Greffier  nescrira  sinon  ce  qui  luy  viendra  a  plaisir  :  mais  vostre  confession  ne  laissera  pas  destre  enregistree  devant  Dieu  et  ses  Anges,  et  il  la  fera  profiter  aux  siens  selon  quil  est  a  desirer.  Ie  toucherai  en  brief  quelques  poincts  sur  lesquels  ils  ont  tasche  de  vous  molester.  Pour  vous  donner  a  entendre  que  nous  ne  sommes  point  iustifiez  par  la  seule  grace  de  Dieu,  ils  ont  allegue  que  Zacharie  et  plusieurs  autres  sont  nommez  iustes.  Or  sur  cela  il  vous  convient  regarder  comment  Dieu  les  a  acceptez  pour  tels.  Sil  se  trouve  que  cest  par  sa  bonte  gratuite,  en  leur  pardonnant  tout  ce  qui  estoit  a  redire  en  eux,  et  ne  leur  imputant  point  leurs  fautes  et  vices,  voila  tout  le  merite  exclud:  car  en  disant  que  la  seule  foi  en  Christ  nous  iustifie,  nous  entendons  en  premier  lieu  que  nous  sommes  tous  maudits,  et  quil  ny  a  que  peche  en  nous:  et  que  nous  ne  pouvons  penser  ne  faire  aucun  bien,  sinon  entant  que  Dieu  nous  gouverne  par  son  sainct  Esprit,  comme  membres  du  corps  de  son  Fils.  Davantage  encores  que  Dieu  nous  face  la  grace  de  cheminer  en  sa  crainte,  que  nous  sommes  bien  loin  de  nous  acquitter  de  nostre  devoir.  Or  il  est  escrit  que  quiconque  naccomplira  tout  ce  qui  est  commande,  sera  maudit;  et  ainsi  nous  navons  autre  refuge  quau  sang  de  nostre  Seigneur  Iesus  Christ  qui  nous  purge  et  lave  au  sacrifice  de  sa  mort,  qui  est  nostre  sanctification.  Par  ce  mesme  moyen  Dieu  recoit  pour  agreables  les  bonnes  oeuvres  que  nous  faisons  par  sa  vertu,  combien  quelles  soient  tousiours  entachees  de  quelque  povrete.  Ainsi  quiconque  se  voudra  appuyer  sur  ses  merites,  il  sera  comme  pendu  en  Iair,  pour  bransler  a  tous  vents.  Bref  ceux  qui  pensent  meriter  aucune  chose,  se  font  Dieu  redevable,  au  lieu  de  quoi  il  nous  faut  tenir  le  tout  de  sa  pure  bonte.  Nous  sommes  riches  et  abondans  en  merites,  estans  en  Iesus  Christ:  estans  hors  de  sa  grace,  ne  pensons  point  avoir  une  goutte  de  bien.  Si  les  ennemis  vous  alleguent  ce  mot  de  Loyer,  nen  soyez  point  trouble,  car  Dieu  rend  aux  siens  loyer,  combien  quils  nen  soyent  point  dignes  :  mais  dautant  quil  accepte  les  oeuvres  quil  a  mis  en  eux,  les  ayant  consacrez  au  sang  de  son  Fils  Iesus  Christ,  affin  que  de  la  ils  prenent  leur  valeur.  Parquoi  le  loyer  que  Dieu  promet  a