48:2  2  extenditur:  verum  ad  ea  sola  restringi  non  debet.  Hinc  notandum  est,  qui  nudam  duntaxat  historiae  notitiam  habent,  evangelium  minime  tenere:  nisi  accedat  doctrinae  cognitio  quae  fructum  gestorum  Christi  patefaciat.  Sacer  enim  est  hic  nexus,  quem  abrumpere  fas  non  est.  Proinde,  quoties  de  Christi  doctrina  fit  mentio,  discamus  tanquam  sigilla  adiungere  opera,  quibus  illius  veritas  sancita  fuit  et  effectus  exhibitus.  Rursum,  ut  fructuosa  nobis  sit  mors  Christi  et  resurrectio,  ut  etiam  usum  suum  habeant  miracula,  intenti  simus  pariter  in  os  loquentis.  Haec  vera  est  christianismi  regula.  De  omnibus  quae  coepit.  Non  displicet  quod  de  omnibus  quidam  potius  quam  omnia  Lucam  dixisse  interpretantur:  quia  de  operibus  quidem  et  doctrina  Christi  liceat  aliquo  usque  disserere:  totam  vero  seriem  pertexere,  ut  plena  sit  narratio,  nimiae  sit  molis.  Quemadmodum  Ioannes  admonet,  mundum  libros  non  capturum.  Notandum  quoque  est,  quod  se  ab  initio  operum  Christi  historiam  exorsum  dicit.  Atqui  exposita  Christi  nativitate,  mox  ad  annum  duodecimum  transsilit:  ac  postquam  breviter  narravit,  illum  disputasse  in  templo,  annis  octodecim  silentio  transmissis,  iustam  demum  narrationem  de  Christi  gestis  ingreditur.  Constat  igitur,  facta  tantum  et  dicta  hic  notari,  quae  ad  salutis  nostrae  summam  faciunt.  Ex  quo  enim  Christus  carne  nostra  indutus  prodiit  in  mundum,  veluti  privatus  domi  vixit  usque  ad  tricesimum  aetatis  annum,  quo  nova  illi  persona  imposita  fuit  a  patre.  Priorem  illam  vitae  partem  in  obscuro  latere  voluit  Deus,  quo  illustrior  esset  eorum  notitia,  quae  fidem  nostram  aedificant.  Priorem  sermonem.  Ita  vertere  placuit:  quia  Xoyov  Ttotsfo-frai  Graecis  idem  valet,  quod  Latinis  verba  facere,  vel  habere  sermonem:  sicuti  Budaeus  annotavit.  Subaudienda  autem  est  antithesis  huius  partis  secundae  quam  aggreditur,  ut  sciamus  novum  scribendi  consilium  ex  novo  argumento  ab  evangelista  sumptum  esse.  2.  Usque  ad  eum  diem.  Ergo  adscensus  Christi  in  coelum  evangelicae  historiae  finis  est.  Adscendit  enim  ut  impleret  omnia,  inquit  Paulus  (Eph.  4,  10).  Alios  quidem  ex  eo  fructus  fides  nostra  colligit:  sed  hoc  loco  satis  fuerit  observare  tunc  omnes  redemptionis  nostrae  partes  completas  fuisse  1