17:2  2  instar  iacti  seminis  fore  frugiferam.  Hic  in  nostra  ecclesia  admonetur  populus  Domini  sedulo,  ut  inter  orandum  ad  Dominum  memores  sint  singuli  vinctorum  fratrum  in  Gallia.  Et  huiusmodi  precationum  sedulitas  non  potest  prorsus  inanis  abire.  Utut  tamen  cadat  tota  haec  causa,  probamus  studium  vestrum,  quod  etiam  Dominos  nostros  ac  principes  clementi  favore  prosequi  non  dubitamus.  Alterum  literarum  tuarum  argumentum  3)  erat  de  spe  concordiae  in  causa  coenae  Domini  obtinendae  abs  te  concepta.  Praedicas  doctorum  quorundam  virorum  et  caeteris  moderatiorum4)  vota  et  studia  ad  hoc  institutum  prosequendum  parata,  modo  per  nos  non  stet,  quo  minus  tam  luculentae  occasiones  suum  sortiantur  effectum.  Deploras  noxium  hoc  offendiculum,  quo  causa  Christi  impeditur  apud  nos,  qui  illi  sunt  adversarii,  ne  quid  apud  eos  loci  inveniat,  quo  etiam  ecclesiae  peregrinae  in  exsilio  constitutae  immodicis  molestiis  afficiuntur,  praesertim  ab  iis,  qui  nulla  in  re  magis  ostentare  satagunt,  quam  sint  constanter  Lutherani,  quam  in  dissidii  huius  acerbitate.  Consultissimum  fore  putas  si  compareant  nostrorum  aliqui  in  synodo  quae  futura  speratur,  quod  sanioribus  ex  altera  parte  certa  sit  sequuturae  concordiae  ac  pacis  spes,  quodque  eo  nomine  futurum  sperent,  ut  qui  iam  tantam  spirant  ferociam,  ad  mitius  aliquod  consilium  mutuo  nostro  consensu  adducantur.  Haec  omnia  declarant  quidem  animum  ad  quaerendum  ecclesiarum  concordiam  propensum,  quam  utinam  tam  certo  sperare  possemus,  quam  studium  bonorum  virorum,  quod  praedicas,  non  probare  non  possumus.  Verum  id  nos  haud  parum  sollicitos  reddit,  quod  iam  secundo  scriptam  confessionem  5)  doctis  alterius  partis  exhibuistis,  unde  tamen  illis  non  est  satisfactum,  et  interim  data  est  occasio  novi  inter  nos  excitandi  dissidii.  Neque  enim  omnia  quae  confessi  estis  talia  3)  De  quo  Hallerus  iam  I.  I  ad  Bullingerum.  4)  moderatiora  Br.  5)  m.  Octobri.  1