52:199  199  EPIST.  PAULI  AD  THESSALONICENSES  II  200  atur  ligare  quibus  visum  est  legibus  conscientias,  et  aeternis  poenis  subiicere.  Sacramenta  pro  libidine  sua  vel  nova  instituit,  vel  quae  a  Christo  instituta  erant,  corrumpit  et  vitiat,  imo  penitus  abolet,  ut  in  eorum  vicem  substituat  quae  finxit  ipse  sacrilegia:  media  consequendae  salutis  aliena  prorsus  a  doctrina  evangelii  comminiscitur:  totam  denique  religionem  pro  suo  nutu  mutare  non  dubitat.  Quid,  obsecro,  est  se  efferre  supra  omne  quod  numen  reputatur,  si  hoc  papa  non  facit?  Quum  ita  Deum  spoliat  suo  honore,  nihil  praeter  inanem  Dei  titulum  residuum  facit,  totam  vero  eius  potestatem  ad  se  transfert.  Atque  hoc  est  quod  paulo  post  subiicit  Paulus,  fore  ut  se  filius  perditus  pro  Deo  ostentet.  Neque  enim  (ut  dictum  est)  insistit  in  vocula  ista,  Deus  :  sed  eam  fore  superbiam  Antichristi  significat,  ut  se  eximens  e  servorum  numero  et  ordine,  et  Dei  tribunal  conscendens,  divina  non  humana  potestate  imperet.  Scimus  enim  idolum  esse  quidquid  erigitur  in  Dei  locum,  etiamsi  Dei  nomen  non  habeat.  In  templo  Dei.  Hoc  uno  verbo  abunde  refellitur  eorum  error,  imo  socordia,  quibus  papa  ideo  Christi  vicarius  est  quia  suam  in  ecclesia  sedem  habeat,  qualitercunque  se  gerat.  Nam  Paulus  non  alibi  Antichristum  locat,  quam  in  ipso  Dei  sanctuario.  Non  enim  externus  est  hostis,  sed  domesticus,  qui  sub  ipso  Christi  nomine  Christum  oppugnat.  Sed  quaeritur  quomodo  vocetur  ecclesia  specus  tot  superstitionum,  quae  columna  debebat  esse  veritatis.  Respondeo,  sic  vocari,  non  quod  retineat  omnes  ecclesiae  qualitates:  sed  quia  aliquid  residuum  habeat.  Templum  ergo  Dei  esse  fateor,  in  quo  dominatur  papa,  sed  innumeris  sacrilegiis  profanatum.  5.  Annon  memoria  tenetis,  quod,  quum  adhuc  essem  apud  vos,  haec  vobis  dicebam?  6.  Et  nunc  quid  detineat  scitis^  donec  ille  reveletur  suo  tempore.  7.  Mysterium  enim  iam  operatur  iniquitatis,  solum  tenens  modo  donec  e  medio  tollatur.  8.  Et  tunc  revelabitur  iniquus  illey  quem  Dominus  destruet  spiritu  oris  sui:  et  abolebit  illustratione  adventus  sui.  5.  Annon  memoria.  Hoc  doctrinae  addebat  non  parum  ponderis,  quod  eam  prius  audierant  ex  ore  Pauli,  ne  ad  tempus  excogitatam  putarent.  Quod  autem  mature  eos  de  Antichristi  regno  admonuerat  et  futura  ecclesiae  vastatione,  quum  nulla  adhuc  de  his  rebus  mota  esset  quaestio,  procul  dubio  videbat  doctrinam  esse  cognitu  in  primis  utilem.  Et  sane  ita  res  habet.  Multa  visuri  erant  illi  quos  alloquebatur,  quae  eos  turbarent  :  posteritas  vero,  quum  bonam  eorum  partem  qui  Christi  fidem  professi  erant,  quasi  oestro,  vel  potius  furia  percitam,  a  pietate  desciscere  et  in  [exitium  ruere  cerneret,  quid  aliud  quam  titubare  poterat?  Verum  hic  erat  murus  aheneus:  sic  fuisse  constitutum  a  Deo,  quia