51:199  199  EPIST.  PAULI  AD  EPHESIOS  200  iusta  et  bene  digesta  membrorum  coagmentare.  Unde  etiam  pro  perfectione  sumitur.  Sed  quoniam  hic  Paulus  statum  bene  et  ordine  compositum  indicare  voluit:  mihi  magis  probatur  constitutio.  Nam  dicunt  proprie  Latini,  constitui  rempublicam  aut  regnum,  aut  provinciam,  quum  ex  dissipatione  omnia  in  rectum  et  legitimum  statum  restitui  contingit.  In  opus  ministerii.  Deus  quidem  per  se  hoc  praestaret,  si  vellet:  sed  bas  partes  hominum  ministerio  delegavit.  Proinde  hoc  vice  occupationis  est  additum,  ne  quis  obstrepat,  annon  potest  ecclesia  constitui  et  rite  ordinari,  nisi  hominum  opera?  Requiri  ministerium  Paulus  docet,  quia  ita  placet  Deo.  Pro  eo  quod  dixerat  constitutionem  sanctorum,  mox  subiungit  a  e  d  i  f  i  c  a  t  i  o  n  em  corp  o  r  i  s  C  h  r  i  s  t  i  ,  eodem  sensu.  Nam  illa  est  legitima  nostra  integritas  et  perfectio,  si  coalescamus  omnes  in  unum  Christi  corpus.  Non  potuit  honorificentius  verbi  ministerium  commendare,  quam  dum  hunc  illi  effectum  tribuit.  Quid  enim  praestantius  quam  constitui  Christi  ecclesiam,  ut  iusta  sua  et  perfecta  integritate  constet?  Atqui  tam  praeclarum  opus  et  divinum  externo  verbi  ministerio  perfici  apostolus  hic  praedicat.  Unde  eos  insanire  palam  est,  qui  praeterito  hoc  medio  se  in  Christo  perfectos  fore  sperant.  Cuiusmodi  sunt  fanatici  qui  arcanas  spiritus  revelationes  sibi  fingunt  :  et  superbi  qui  privatam  scripturae  lectionem  sufficere  sibi  putant,  ut  nihil  indigeant  communi  ecclesiae  ministerio.  Nam  si  ecclesiae  aedificatio  a  solo  Christo  est:  ipsius  etiam  sane  est  praescribere  quam  aedificandi  rationem  esse  velit.  Paulus  autem  aperte  hic  testatur,  non  alio  modo,  secundum  Christi  praescriptum,  rite  coagmentari  nos  et  perfici,  quam  per  externam  praedicationem,  dum  per  homines  patimur  nos  regi  ac  doceri.  Haec  universalis  est  regula,  quae  tam  ad  summos  quam  ad  infimos  extenditur.  Et  certe  ecclesia  communis  est  piorum  ontnium  mater,  quae  tam  reges  quam  plebeios  gignit  in  Domino,  nutrit  et  gubernat:  quod  fit  ministerio.  Proinde  supra  Christum  sapere  volunt,  qui  hunc  ordinem  vel  negligunt,  vel  contemnunt.  Quamobrem  vae  eorum  superbiae.  Non  negamus  quidem  posse  nos  sola  Dei  virtute  perfici  citra  hominum  adminiculum  :  sed  hic  quid  Deo  placuerit,  quid  statuerit  Christus,  non  quae  sit  Dei  potentia,  disputamus.  Ista  porro  con  vulgaris  erga  homines  Dei  est  dignatio,  quod  ad  perficiendam  eorum  salutem  utitur  hominum  opera.  Et  optimum  est  fovendae  unitatis  exercitium,  quod  ad  communem  doctrinam,  quasi  ad  ducis  vexillum,  aggregamur.  13.  Usquedum  occurramus.  Quae  prius  in  ministerii  commendationem  protulit  elogia,  nunc  longius  extendit.  Quod  enim  dixerat,  hominum  ministerio  gubernari  ecclesiam  et  ordinari,  ut  sit  numeris  omnibus  absoluta:  ne  quis  putet  unius  solum