50:199  199  EPIST.  PAULI  AD  GALATAS  200  liberationem  irritam  facere  conatur,  evacuat  Christi  crucem.  Sed  meminerimus  non  aliter  nos  solvi  a  iugo  legis,  quam  dum  efficimur  unum  cum  Christo  :  quemadmodum  surculus  non  aliter  humorem  a  radice  trahit,  quam  si  in  unam  naturam  coalescat.  20.  Vivo  autem.  Semper  mortis  nomen  humano  sensui  est  odiosum.  Itaque  postquam  docuit  nos  cruci  affixos  una  cum  Christo,  hoc  quoque  nobis  vitale  esse  subiicit.  Simul  explicat  quid  prius  intellexerit  per  Deo  vivere:  quod  scilicet  iam  non  ipse  vivat  propria  vita,  sed  quod  ita  arcana  Christi  virtute  animetur,  ut  dici  possit  Christus  in  ipso  vivere  ac  vigere.  Nam  ut  anima  corpus  vegetat,  sic  et  Christus  vitam  inspirat  membris  suis.  Insignis  sententia,  fideles  extra  se  vivere,  hoc  est  in  Christo.  Quod  fieri  nequit  quin  veram  cum  ipso  et  substantialem  communicationem  habeant.  Porro  vivit  Christus  in  nobis  dupliciter.  Una  vita  est,  quum  nos  spiritu  suo  gubernat  atque  actiones  nostras  omnes  dirigit.  Altera  quod  participatione  suae  iustitiae  nos  donat:  ut  quando  in  nobis  non  possumus,  in  ipso  accepti  simus  Deo.  Prior  ad  regenerationem  pertinet:  secunda  ad  gratuitam  iustitiae  acceptionem,  de  qua  hunc  locum  intelligo1):  quamquam  si  quis  de  utraque  accipere  malit,  minime  repugnem.2)  Quod  autem  nunc  vivo  in  carne.  Nulla  est  hic  fere  sententia,  quae  non  fuerit  lacerata  variis  expositionibus.  Sicuti  carnem  hic  exponunt  quidam  pro  naturae  vitiosae  pravitate:  Paulus  autem  simplicius  accipit  pro  vita  corporali.  Prompta  enim  alioqui  fuisset  alia  obiectio:  Tu  vivis  tamen  vitam  corpoream.  Ubi  autem  corpus  hoc  corruptibile  functiones  suas  exercet,  ubi  cibo  et  potu  sustinetur:  haec  non  est  coelestis  Christi  vita.  Ergo  paradoxum  est  a  ratione  abhorrens,  quod,  quum  palam  vivas  communi  hominum  more,  propriam  tibi  esse  vitam  negas.  Respondet  Paulus,  id  in  fide  consistere:  quo  innuit  absconditum  esse  arcanum  ab  humano  sensu.  Vita  igitur,  quam  fide  obtinemus,  non  oculis  apparet,  sed  intus  percipitur  in  conscientia  per  spiritus  efficaciam.  Ideoque  non  impedit  vita  corporalis  quin  fide  possideamus  coelestem  vitam.  Ephes.  1,  20:  Collocavit  nos  in  coelestibus,  ete.  Item:  lam  estis  cives  sanctorum  et  domestici  Dei  (Ephes.  2,  19).  Item  ad  Philip.  3,20:  Politia  nostra  in  coelis  est.  Plenus  denique  est  Paulus  talibus  testimoniis,  quibus  asserit,  ita  nos  vivere  in  mundo,  ut  in  coelo  tamen  etiam  vivamus  :  non  modo  quia  illic  est  caput  nostrum,  sed  etiam  quod  iure  unionis  vitam  habemus  cum  ipso  communem  :  ut  loquitur  Iohan.  14,1  s.  Qui  dilexit  me.  Haec  addita  sunt  ad  vim  fidei  exprimendam  :  nam  protinus  cuius  in  mentem  veniret  haec  cogitatio:  Unde  tanta  fidei  virtus,  ut  *)  intelligere  licebit  Ibid.  2)  libentius  amplectar  Ibid.