29:199  199  SERMON  CXCVIII.  200  du  tout,  que  cela  n'empesche  point,  que  DOUS  ne  cognoissions  que  sa  vertu  nous  est  prochaine,  que  ses  bras  ne  soyent  estendus  iusques  a,  nous,  qu'il  veut  ici  faire  sentir  sa  force,  il  en  veut  monstrer  les  enseignes.  Et  pourquoy?  Car  il  veut  avoir  le  soin  de  garder  ceux  qu'il  a  choisis  et  eleus,  ceux  qui  se  fient  en  luy,  qui  s'y  reposent,  et  y  ont  tout  leur  recours.  Voici  donc  une  doctrine  notable,  quand  Moyse  fait  une  telle  description  de  Dieu:  que  d'un  coste  il  nous  monstre  comme  nous  devons  estre  humiliez  en  pensant  de  luy,  et  puis  qu'il  nous  console,  en  disant  que  nostre  Dieu  ne  desdaigne  pas  de  nous  secourir.  Et  qu'ainsi  soit  il  met  ses  bras  ici  bas:  non  pas  qu'il  ne  soit  aussi  bien  au  ciel,  comme  nous  avons  dit:  mais  cela  appartient  a  nostre  foy,  quand  notamment  il  est  parle  d'ici  bas.  Si  nous  regardons  a  nostre  vie,  il  est  vray  qu'il  n'y  a  que  fragilite:  apres,  nous  sommes  assiegez  de  tant  d'ennemis,  que  c'est  un  horreur:  et  puis,  il  y  a  des  morts  infinies  qui  nous  menacent.  Mais  quoy?  les  bras  de  Dieu  sont  tout  a  l'environ,  nous  en  sommes  armez  ;  et  ce  n'est  point  seulement  pour  un  iour:  car  tout  ainsi  que  Dieu  est  immuable,  tout  ainsi  qu'il  a  son  siege  permanent,  aussi  ses  bras  demeurent  ici  a  iamais,  qu'il  ne  sera  iamais  lasse  de  nous  secourir.  Fions-nous  en  cela,  et  nous  pourrons  au  milieu  de  tous  les  troubles  de  ce  monde  avoir  tousiours  pleine  confiance,  d'autant  que  nostre  salut  est  en  la  main  de  Dieu,  qu'il  ne  faut  point  que  nous  soyons  en  crainte  ni  en  doute.  Or  apres  cela  il  est  dit:  Qu'il  dechassera  V  ennemi  devant  nous,  en  disant:  Bestruy-le.  Nous  avons  veu  par  ci  devant  que  l'Eglise  de  Dieu  n'est  iamais  sans  ennemis,  pource  que  Satan,  qui  est  le  prince  du  monde,  esmouvera  tousiours  les  meschans  a  molester  les  enfans  de  Dieu.  Si  le  diable  estoit  du  tout  aboli,  il  est  vray  que  nous  pourrions  avoir  paix  en  ce  monde:  mais  pource  qu'il  a  la  plus  grande  multitude  des  hommes  en  sa  main,  lesquels  de  nature  sont  pervers,  et  nous  savons  ^u'il  ne  demande  qu'a  nous  ruiner:  voila  pourquoy  il  nous  faut  apprester  d'avoir  la  guerre  cependant  que  nous  vivons  en  ce  monde.  La  condition  est  dure,  mais  si  nous  la  faut-il  porter  patiemment,  puis  que  nostre  Seigneur  Pa  ainsi  ordonne,  puis  qu'il  veut  esprouver  nostre  foy  et  nostre  obeissance  en  nous  suscitant  des  ennemis,  que  nous  plions  le  col.  Mais  au  reste  nous  avons  besoin  qu'il  nous  secoure,  et  mesmes  qu'il  combatte  pour  nous:  autrement  que  seroit-ce?  Or  en  cela  nous  devons  avoir  pleine  confiance.  Contentonsnous  donc,  combien  qu'il  nous  faille  estre  molestez,  et  soustenir  beaucoup  de  hurts,  combien  qu'il  nous  faille  estre  en  solicitude  continuelle,  voyans  que  nos  ennemis  ne  cessent  de  nous  dresser  tousiours  nouveaux  combats:  toutesfois  reposons-nous  en  cela,