27:199  199  SERMON  LXXXIV.  200  temple,  il  faut  avoir  une  autre  affection.  Il  est  vray  que  quand  on  travaille,  qu'on  fait  son  mesnage,  tousiours  Dieu  doit  estre  devant  nostre  regard:  qu'en  beuvant  et  en  mangeant  on  doit  faire  cela  en  son  Nom,  suyvant  la  doctrine  que  i'ay  alleguee  de  sainct  Paul.  Mais  si  nous  venons  au  temple:  Dieu  nous  est  encores  plus  prochain,  et  plus  familier:  car  nostre  Seigneur  Iesus  Christ  prononce  qu'il  est  ici  au  milieu  de  nous,  quand  nous  sommes  assemblez  en  son  Nom,  et  en  tendant  les  mains  au  ciel  nous  declairons  que  nous  venons  ici  nous  presenter  devant  la  face  de  nostre  Dieu.  Il  faut  donc  que  nous  ayons  une  affection  plus  singuliere,  et  plus  ardente,  quand  nous  venons  ici,  que  quand  nous  faisons  nos  besongnes  communes.  La  saincte  Cene  ne  doit-elle  pas  estre  distinguee  du  boire  et  du  manger  commun?  Il  est  vray  que  quand  nous  prendrons  nostre  repas  ordinaire,  il  faut  que  Dieu  y  soit  invoque,  qu'action  de  grace  luy  soit  rendue,  ou  nous  sommes  pollus:  mais  cependant  quand  nous  venons  a  la  Cene,  nous  devons  estre  ravis  d'une  autre  facon,  que  nous  ne  soyons  plus  en  ce  monde,  que  nous  ne  pensions  plus  a  Ja  nourriture  de  nos  corps:  mais  que  nous  regardions  au  Fils  de  Dieu  qui  s'appelle  nostre  vie,  qui  declaire  que  sa  chair  est  nostre  viande,  que  son  sang  est  nostre  bruvage  spirituel:  il  faut  donc  que  cela  soit  separe  de  ce  qui  appartient  a  l'ordre  commun  de  ceste  vie  terrestre.  Voila  ce  que  Moyse  a  ici  entendu,  quand  nostre  Seigneur  nous  donne  liberte  de  boire  et  de  manger,  que  nous  l'invoquions:  encores  qu'il  y  ait  de  l'infirmite  en  nous,  que  nous  ne  laissions  pas  pourtant  d'avoir  l'usage,  et  liberte  d'user  des  viandes  que  Dieu  assigne  a  nostre  usage:  et  que  nous  pouvons  faire  cela  d'une  conscience  paisible,  ne  doutant  point  qu'il  ne  soit  agreable  a  Dieu,  quand  nous  serons  ainsi  asseurez  par  luy,  et  qu'il  nous  dispense  par  sa  bonte  gratuite.  Et  sur  tout  quand  il  est  question  de  venir  a  luy,  que  nous  soyons  retirez,  et  comme  recueillis  de  nos  solicitudes  terrestres,  pour  aspirer  pleinement  au  ciel.  Comme  quand  nous  devons  celebrer  la  saincte  Cene,  que  nous  voyons  que  par  le  Baptesme  Iesus  Christ  nous  certifie  la  purgation  que  nous  avons  en  luy,  et  que  nous  sommes  reformez,  qu'il  nous  accepte,  et  nous  advoue  pour  ses  membres,  afin  que  le  siege  iudicial  de  Dieu  son  Pere  ne  nous  soit  plus  espouvantable:  quand  (di-ie)  nous  pensons  a,  cela,  il  faut  que  nous  soyons  attirez  a  la  vie  celeste,  et  que  nous  soyons  comme  recueillis  de  nos  solicitudes  terriennes,  afin  que  nous  puissions  tant  mieux  adherer  a  nostre  Dien,  et  que  cela  nous  profite  en  toute  nostre  vie.