20:199  199  EPISTOLAE  4050.4052  200  otium  suppeteret.  Sed  ex  quo  hinc  abiisti,  continuum  mihi  negotium  fuit  cum  variis  morbis,  ut  ne  ordinario  quidem  muneri  obeundo  sufficiam.  Quod  si  maior  daretur  relaxatio,  sunt  tamen  alia  nunc  in  manibus  quae  mihi  non  permittunt  in  refutandis  illis  duobus  errorum  monstris  operam  impendere.  Commentarios  meos  in  Moysem  Gallica  lingua  vertendos  suscepi,3)  non  tantum  ut  nostratibus  communis  esset  huius  libri  lectio,  sed  quod  opus  alioqui  non  poenitendum,  innumeris  quibus  scatebat  mendis,  repurgare  necesse  fuit.  Fratres  me  hortati  fuerant,  ut  librum  Iosuae  explicarem:4)  hactenus  vix  ad  tertium  usque  caput  progredi  licuit,  quum  tamen  brevitati  maxime  studeam.  Urgeor  etiam  aliunde,  ut  tibi  nihil  polliceri  audeam.  Si  quando  tamen  melior  dabitur  opportunitas,  eam  non  omittam.  Sed  tanta  congerie  me  obruere  minime  expedit.  Quod  si  patriae  tuae  sedulo  prospicis,  studium  tuum  laudo.  Sed  cogita  nostram  quoque  Galliam  multis  morbis  laborare,  quibus  mature  succurrere  oportet.  Quanquam  per  lonvilaeum  non  stabit  quominus  tibi  gratificer,  quia  et  strenuus  est  exactor  :  nec  vero  cessabit,  si  contigerit  melior  opportunitas:  quod  si  quid  vigoris  recuperem,  libenter  ipse  quoque  defungar  eo  munere.  Sed  nunc  tam  corporis  quam  animi  vires  magis  sunt  collapsae,  quam  ut  studium  meum  applicare  possim  ad  novos  labores.  Quod  apud  P.  Hyperium  hyemare  in  animo  tibi  est,  nusquam,  fateor,  commodius  hospitium  reperies.  Nam  praeter  raram  pietatem  et  eruditionem,  quae  in  eius  scriptis  relucet,  aiunt  hominem  esse  mansueto  ingenio,  magna  sinceritate  praeditum.  Sed  tardior  in  patriam  tuus  reditus  mihi  non  placet.  Nam  quum  alios  tantopere  incites  ad  manum  genti  tuae  porrigendam,  quid  sibi  velit  hoc  cunctandi  et  otiandi  consilium,  non  assequor.  Quanquam  frustra  haec  disputo,  quia  antequam  ad  te  perveniant  meae  literae,  hyems  fere  transacta  erit.  Vale,  ornatissime  vir,  mihi  ex  animo  colendo  frater.  Dominus  te  spiritu  suo  semper  gubernet,  virtute  sustineat,  et  manus  suae  protectione  incolumem  tueatur.  Genevae,  pridie  Calend.  Decemb.  1563.  Ioannes  Calvinus  tuus.  3)  Inde  fortasse  collegeris  Calvinum  ipsum  libro  vertendo  operam  navasse,  quod  alias  non  fecit  Edita  est  haec  versio  a.  1564  ap.  Stephanum.  Be  editione  a.  1563  quam  exhibet  Catalogus  bibi*  JDresdensis  dubitamus.  4)  quae  ultima  eius  fuit  elucubratio.