7:198  qui  les  nourrissent,  ilz  s'en  moquent  en  derriere  [page  119]  et  leur  tirent  la  langue.  Car  tout  leur  plaisir  est  de  se  donner  du  bon  temps  et  estre  sans  soucy.  Ilz  ont  ouy  ceste  sentence  de  Salomon,  que  l'esprit  triste  desseiche  les  os.l)  Ainsi  de  peur  de  devenir  maigres,  ilz  trouvent  ce  moyen,  de  se  donner  du  bon  temps:  c'est  en  trouvant  bon  tout  ce  qui  doit  affliger  et  tormenter  les  enfans  de  Dieu,  n'avoir  plus  d'occasion  d'estre  sache.  Voila  comment,  en  prenant  aussi  grand  plaisir  au  mal  qu'au  bien,  ilz  font  leur  profit  de  tout.  Or  sainct  Paul  dict  que  c'est  le  comble  de  toute  iniquite,  quand  un  homme  non  seulement  faict  le  mal:  mais  qu'il  y  consent  en  le  prisant  (Rom.  1,  32).  Parquoy  si  sainct  Paul  est  a  croire,  nous  devons  tenir  ces  malheureux  comme  les  plus  desesperez  du  monde:  qui,  ne  se  contentans  point  de  s'endormir  en  leur  mal,  se  desbordent  iusque  la  d'applaudir  aux  vices  des  autres.  CHAPITRE  XVII.  Quel  est  le  Christ  des  Libertins:  et  comment  ilz  le  recognoissent  leur  redempteur.  [page  120]  Apres  avoir  forge  un  Dieu  a  leur  guise,  qui  soit  comme  une  telle  peinture  pour  cacher  toutes  leurs  abominations:  ilz  forgent  un  Iesus  Christ,  au  mesme  moule,  qui  ne  soit  pas  seulement  comme  un  idole,  faulsement  esleve  contre  le  Filz  de  Dieu:  mais  un  sac  de  toutes  villanies,  et  un  retraict  pour  recevoir  toute  puantise.  Premierement  ilz  le  composent  de  l'Esprit  de  Dieu  qui  est  en  nous  tous,  et  de  ce  qu'ilz  appellent  cuider  ou  le  monde.  Voila  le  monstre  qu'ilz  nous  imaginent,  au  lieu  de  celuy,  qui  estant  seul  vray  et  naturel  filz  de  Dieu,  d'une  mesme  essence  avec  le  Pere,  a  prins  nostre  nature,  pour  avoir  union  fraternelle  avec  nous.  A  fin  qu'on  ne  pense  que  ie  leur  preste  cela:  il  y  en  a  eu  deux  exequutez  a  Valencienne,  pour  avoir  dict  que  Iesus  Christ  n'estoit  pas  mort  en  la  croix,  mais  le  cuider  seulement.  N'est-ce  pas  un  beau  commencement,  de  faire  Iesus  Christ  [page  121]  comme  un  phantosme,  auquel  on  ne  congnoisse  rien?  Quand  ce  vient  a.  parler  de  son  office,  et  de  la  grace  que  nous  avons  receue  par  luy,  c'est  encor  beaucoup  pis.  Car  ilz  constituent  toute  nostro  redemption  en  cela,  que  Iesus  Christ  ait  este  comme  un  patron  seulement,  auquel  nous  conteraptions  les  choses  que  l'Escriture  requiert  a  nostre  salut.  Il  est  vray  que  pour  colorer  la  villanie  de  1)  Prov.  17,  22.  13*