6:198  graces  le  rompit,  et  dict:  Prenez,  mengez,  cecy  est  mon  corps,  qui  est  rompu  pour  vous:  faictes  cecy  en  memoire  de  moy.  Semblablement,  apres  avoir  souppe,  print  le  Calice,  disant:  Ce  Calice  est  le  nouveau  Testament  en  mon  sang.  Faictes  cecy  toutes  fois  et  quantes  que  vous  en  beuvrez  en  memoire  de  moy.  C'est,  que  quand  vous  mengerez  de  ce  pain,  et  beuvrez  de  ce  Calice,  vous  annoncerez  la  mort  du  Seigneur,  iusques  a,  ce  qu'il  vienne.  Pourtant,  quiconques  mengera  de  ce  pain,  ou  beuvra  de  ce  Calice  indignement,  il  sera  coulpable  du  corps  et  du  sang  du  Seigneur.  Mais  que  l'homme  s'espreuve  soymesme,  et  ainsi  qu'il  menge  de  ce  pain  et  boive  de  ce  Calice.  Car,  quiconques  en  menge  et  boit  indignement,  il  prent  sa  condemnation,  ne  discernant  point  le  corps  du  Seigneur.  Nous  avons  ouy,  mes  freres,  comme  nostre  Seigneur  faict  sa  Cene  entre  ses  disciples:  et  par  cela  nous  demonstre,  que  les  estrangiers,  et  1)  ceulx  qui  ne  sont  pas  de  la  compagnie  de  ses  fideles,  n'y  doivent  point  estre  admis.  Parquoy,  suyvant  ceste  reigle,  au  Nom  et  en  Paucthorito  de  nostre  Seigneur  Iesus  Christ:  ie  excommunie  tous  idolatres,  blasphemateurs,  contempteurs  de  Dieu,  heretiques  et  toutes  gens  qui  font  sectes  a,  part,  pour  rompre  l'unite  de  l'Eglise,  tous  periures,  tous  ceux  qui  sont  rebelles  a  peres  et  a  meres,  et  a  leurs  superieurs,  tous  seditieux,  mutins,  bateurs,  noiseux,  adulteres,  paillars,  larrons,  ravisseurs,  avaricieulx,  yvrongnes,  gourmans  et  tous  ceulx  qui  meinent  vie  scandaleuse  et  dissolue  :2)  leur  denonceant  qu'ilz  ayent  a  s'abstenir  de  ceste  saincte  Table  de  paour  de  polluer  et  contaminer  les  viandes  sacrees,  que  nostre  Seigneur  Iesus  Christ  ne  donne  sinon  a  ses  domestiques  et  fidelles.  Pourtant,  selon  l'exhortation  de  sainct  Paul,  qu'un  chascun  espreuve  et  examine  sa  conscience,  pour  scavoir  s'il  a  vraye  repentance  de  ses  faultes,  et  se  desplaist  de  ses  pechez,3)  desirant  de  vivre  doresenavant  sainctement  et  selon  Dieu.  Sur  tout,  s'il  a  sa  fiance  en  la  misericorde  de  Dieu,  et  cherche  entierement  son  salut  en  Iesus  Christ:  et  renonceant  a  toute  inimitie  et  rancune,  a  bonne  intention  et  courage  de  vivre  en  concorde  et  charite  fraternelle  avec  ses  prochains.  Si  nous  avons  ce  tesmoignage  en  noz  coeurs  devant  Dieu,  ne  doubtons  nullement  qu'il  ne  nous  advoue  pour  ses  enfans,  et  que  le  Seigneur  Iesus,  n'addresse  sa  parolle  a  nous,  pour  nous  introduire  a  sa  Table,  et  nous  presenter  ce  saint  Sacrement,  lequel  il  a  communique  a  ses  disciples.  1)  1558  suiv.:  c'est  a  dire.  2)  et  dissolue,  manque  1558  suiv.  3)  1558  suiv.  :  et  s'y  desplaist.