52:198  diam  qui  fidem  Christo  dederunt:  quia  ipsum  Dei  templum  sacrilega  tyrannide  polluendum  sit,  ita  ut  illic  dominetur  summus  hostis  Christi.  Revelatio  hic  pro  aperta  tyrannidis  possessione  capitur:  ac  si  dixisset  Paulus  non  venturum  diem  Christi  donec  palam  se  ostenderit  hic  tyrannus,  et  quasi  ex  professo  totum  ecclesiae  ordinem  everterit.  4.  Adversarius,  et  qui  se  extollit  Duo  epitheta,  scelerati  et  filii  perditi,  primum  exprimunt  quam  horrenda  sit  futura  confusio,  ne  rei  indignitas  infirmos  animos  percellat:  deinde  pios  ad  detestationem  inducunt,  ne  degenerent  una  cum  aliis.  Nunc  vero  Paulus,  quasi  in  tabula  depingit  vivam  Antichristi  effigiem  :  nam  ex  his  verbis  colligere  promptum  est,  quale  sit  eius  regnum,  et  quibus  in  rebus  consistat.  Quum  enim  adversarium  nominat,  quum  dicit,  arrogaturum  sibi  quae  Dei  propria  sunt,  ut  pro  numine  in  templo  colatur:  directe  eius  regnum  Christi  regno  opponit.  Ergo  ut  spirituale  regnum  Christi,  ita  hanc  tyrannidem  in  animas  esse  oportet,  ut  Christi  regnum  aemuletur:  et  postea  vim  fallendi  per  impias  doctrinas  et  ficta  portenta  illi  attribuet.  Ergo  ut  Antichristum  cognoscas,  Christum  ex  diametro  illi  opponere  convenit.  Ubi  transtuli,  omne  quod  dicitur  Deus:  magis  recepta  est  apud  Graecos  lectio  :  omnem  qui  dicitur.  "  Coniici  tamen  potest  ex  tam  vetere  translatione,  quam  ex  nonnullis  Graecorum  commentariis,  corrupta  fuisse  Pauli  verba.  Et  proclivis  fuit  unius  literae  lapsus  praesertim  ubi  magna  erat  figurae  affinitas:  nam  ubi  scriptum  erat  rcav  xo,  librarius  quispiam,  vel  nimium  audax  lector  fecit  7iavra.  Quamquam  haec  varietas,  quantum  ad  sensum,  non  ita  multum  habet  momenti  :  hoc  enim  sine  controversia  voluit  Paulus,  Antichristum  sibi  rapturum  quae  unius  Dei  propria  sunt,  ut  supra  omne  divinum  numen  se  efferat:  quo  tota  religio  totusque  Dei  cultus  sub  eius  pedibus  iaceat.  Haec  igitur  particula,  omne  quod  censetur  Deus,  perinde  valet  ac  si  dixisset,  omne  quod  censetur  divinitas  et  aejBaajxa,  hoc  est,  in  quo  Dei  veneratio  consistit.  Hic  autem  non  agitur  de  ipsius  Dei  nomine,  sed  de  maiestate  et  cultu,  ac  in  universum  de  omnibus  quae  sibi  vendicat:  ac  si  dixisset  Paulus:  Religio  vera  est,  qua  solus  verus  Deus  colitur:  hanc  ad  se  filius  perditus  transferet.  Nunc  quisquis  ex  scriptura  edoctus  erit,  quaenam  Deo  maxime  sint  propria,  et  ex  adverso  intuebitur  quid  sibi  papa  usurpet:  etiamsi  puer  sit  decennis,  non  multum  laborabit  in  noscendo  Antichristo.  Scriptura  (Iacob.  4,  12)  Deum  pronuntiat  unicum  esse  legislatorem  qui  servare  potest  ac  perdere:  unicum  regem,  cuius  officium  est  verbo  suo  regere  animas:  eundem  facit  omnium  sacrorum  au  torem:  iustitiam  et  salutem  ab  uno  Christo  petendam  docet:  modum  simul  et  rationem  assignat.  Nihil  horum  est  quod  non  sui  iuris  papa  esse  asserat.  Suum  esse  glori-  13*