51:198  nomen  in  omnes  pastores  aliquatenus  competere.  Verum  ratio  illa  me  non  movet,  ut  duo  haec  confundant  quae  video  inter  se  differre.  Tametsi  enim  omnium  pastorum  est  docere:  peculiare  tamen  est  donum  interpretandae  scripturae,  ut  dogmatum  sanitas  retineatur.  Et  doctor  aliquis  esse  poterit,  qui  tamen  concionando  non  erit  appositus.  Pastores  ergo  sunt,  meo  iudicio,  quibus  certi  gregis  cura  commissa  est:  quibus  doctorum  nomeu  attribui  non  displicet,  modo  interim  sciamus  alterum  esse  doctorum  genus1),  qui  tam  formandis  pastoribus  quam  erudiendae  toti  ecclesiae  praesunt.  Non  quin  idem  interdum  pastor  esse  queat  qui  doctor  est:  sed  quia  facultates  sunt  diversae.  Notandum  praeterea  est,  ex  officiis  quae  hic  enumerat  Paulus  postrema  tantum  duo  perpetuo  esse.  Nam  Deus  apostolis,  evangelistis  et  prophetis  ecclesiam  suam  nonnisi  ad  tempus  ornavit:  nisi  quia  ubi  collapsa  est  religio,  evangelistas  extra  ordinem  excitat,  qui  puram  doctrinam  postliminio  in  lucem  revocent.  Sine  pastoribus  autem  et  doctoribus  nullum  potest  esse  ecclesiae  regimen.  Porro  habent  papistae  cur  conquerantur,  suum  primatum,  quem  iactant,  hic  affectum  esse  gravi  contumelia.  Hic  disputatio  est  de  unitate.  Colligit  Paulus  non  causas  modo  quae  eam  inter  nos  stabiliunt,  sed  etiam  symbola  quibus  fovetur.  Tandem  venit  ad  ecclesiae  regimen.  Si  primatum  aliquem  unius  sedis  agnosceret:  nonne  afferre  in  medium  debuit,  unum  caput  ministeriale  membris  omnibus  praefectum,  cuius  auspiciis  in  unitatem  colligamur?  Certe  aut  Pauli  oblivio  excusari  nequit,  qui  imprudenter  quod  maxime  appositum  erat,  adeoque  praecipuum  in  causa,  praetermiserit:  aut  fatendum  est  rem  esse  a  Christi  institutione  alienam.  Imo  aperte  fictitium  hunc  primatum  evertit,  quum  uni  Christo  eminentiam  tribuens,  apostolos  et  pastores  universos  ita  illi  subiicit,  ut  inter  se  collegae  sint  et  socii.  Nullus  ergo  locus  est  in  scripttfra,  qui  tyrannicam  illam  hierarchiam,  in  qua  unum  terrenum  caput  constituitur,  fortius  evertat.  Paulum  quoque  sequutus  Cyprianus,  quae  legitima  sit  ecclesiae  monarchia,  breviter  et  praeclare  definit.  Unus,  inquit,  est  episcopatus,  cuius  a  singulis  in  solidum  pars  tenetur.  Episcopatum  uni  Christo  vendicat  :  in  eo  administrando  partem  singulis  assignat,  et  quidem  in  solidum,  ne  quis  supra  alios  se  extollat.  12.  Ad  instaurationem.  Ego  in  versione  Erasmum  sequutus  sum,  non  quia  prorsus  eius  opinio  mihi  placeret:  verum  ut  lectoribus  eligere  liceat  quod  maxime  probaverint,  ubi  illius  versionem  cum  vulgari  et  cum  mea  contulerint.  Vetus  interpres  habet  consummationem.  Graece  apud  Paulum  est  xaxaptia|ioc,  quod  vocabulum  significat  coaptationem  rerum,  in  quibus  debet  esse  symmetria  et  proportio.  Quemadmodum  in  humano  corpore  est  O  doctores  13*