29:198  et  que  ce  monde  ici  soit  tousiours  en  bransle,  et  qu'il  y  ait  des  tourbillons  qui  s'eslevent  ca  et  la,  que  nous  soyons  comme  en  une  mer,  ou.  il  n'y  a  point  d'arrest  :  neantmoins  que  nous  pourrons  bien  estre  tousiours  en  repos.  Et  pourquoy?  Car  l'habitation  de  nostre  Dieu  est  permanente:  quand  nous  serons  en  sa  main  et  en  sa  protection,  ne  craignons  point  tout  ce  qui  nous  pourra  advenir  d'ailleurs.  Car  il  ne  nous  faut  point  mesurer  nostre  Dieu  selon  les  choses  que  nous  appercevons  a  l'oeil,  et  qui  nous  environnent  ici  bas.  Maintenant  il  reste  d'appliquer  ceste  doctrine  a  nostre  profit,  et  combien  qu'il  nous  faille  estre  pelerins  en  ce  monde,  et  que  nous  y  soyons  subiets  a  beaucoup  de  mutations,  neantmoins  que  nous  ne  laissions  pas  de  tousiours  nous  remettre  en  la  garde  de  nostre  Dieu:  et  quand  nous  aurons  cogneu  qu'il  nous  veut  maintenir,  que  nous  passions  par  dessus  toutes  les  tempestes  qui  s'eslevent  contre  nous,  que  nous  surmontions  toutes  tentations.  En  quelle  vertu?  d'autant  que  celuy  qui  habite  au  ciel  nous  a  prins  en  sa  garde,  il  nous  veut  maintenir:  car  sa  demeure  est  permanente.  Ainsi  donc  il  nous  fait  ceste  grace  que  nous  ne  perirons  point,  encores  qu'il  semble  que  nous  devions  estre  engloutis  chacun  iour  par  les  dangers  qui  se  monstrent.  Et  afin  que  cela  nous  soit  plus  certain,  il  est  dit,  que  ses  bras  sont  en  bas  a  iamais.  Or  il  est  vray  qu'aucuns  rapportent  ceci  au  peuple  d'Israel  :  Que  les  bras  du  peuple  ne  seront  iamais  lassez,  quand  ils  seront  soustenus  d'enhaut,  c'est  a  dire,  que  si  Dieu  leur  est  pour  aide,  ils  auront  une  force  invincible.  Ce  qui  est  vray.  Mais  les  mots  de  Moyse  n'emportent  point  cela:  plustost  il  entend  et  signifie  que  les  bras  de  Dieu  sont  ici  bas  a  iamais.  Et  pourquoy  les  met-il  bas,  veu  que  desia  il  a  prononce  que  Dieu  chevauche  les  cieux?  et  il  semble  que  ceci  soit  repugnant.  Car  si  Dieu  a  son  siege  la  haut,  comment  aura-il  ses  bras  tant  bas?  Or  c'est  pource  qu'il  remplit  toutes  choses:  que  non  seulement  son  essence  est  infinie,  mais  aussi  sa  vertu:  et  notamment  c'est  pource  qu'il  nous  la  veut  faire  sentir  par  experience.  S'il  estoit  dit  que  les  bras  de  Dieu  sont  au  ciel,  et  bien  cela  seroit  pour  maintenir  les  Anges:  mais  nous  ne  laisserions  point  de  trembler,  et  d'estre  effarouchez  quand  nous  serions  menacez  de  quelque  mal,  nous  regarderions  ca  et  la,  et  demeurerions  espouvantez  sans  aucun  remede.  Yoici  donc  le  sainct  Esprit  qui  remedie  a  telles  tentations,  et  dit  que  les  bras  de  Dieu  sont  ici  bas.  Combien  donc  que  Dieu  soit  assis  la  haut  en  sa  maieste:  combien,  quand  nous  pensons  de  luy,  il  nous  faille  estre  ravis  en  toute  reverence  pour  l'adorer  en  humilite,  veu  que  nous  ne  sommes  rien,  et  qu'il  est  par  dessus  tout:  combien  donc  qu'il  nous  faille  ainsi  adorer  Dieu,  en  nous  abbaissant  13*