27:198  tous,  et  nous  declaire  que  sa  benediction  sera  sur  nous  quand  nous  suyvrons  simplement  sa  parolle,  et  qu'il  ne  nous  deffaudra  en  rien:  voire  moyennant  que  un  chacun  travaille  selon  qu'il  pourra.  Il  est  vray  que  nous  serons  nourris  quelque  fois  maigrement,  que  Dieu  ne  nous  remplira  point  a  souhait:  mais  quoy  qu'il  en  soit,  si  est-ce  qu'il  promet  nourriture  a  tous  ceux  qui  recourent  a  luy.  Or  nous-nous  en  privons  par  nostre  malice.  Car  pour  le  premier,  il  y  a  la  deffiance  qui  nous  tormente,  et  nous  solicite:  et  puis  il  y.  a  les  appettits  desreiglez  qui  nous  tentent,  et  chatouillent:  le  diable  puis  apres  nous  aveugle,  en  sorte  que  nous  ne  faisons  nul  scrupule  de  piller,  et  desrober,  de  frauder  et  tromper,  et  de  nous  adonner  a  tout  mal:  moyennant  que  nous  soyons  nourris  grassement,  et  en  delices,  ce  nous  est  tout  un  du  reste.  Et  pourtant  retenons  ce  mot  de  Benediction,  par  lequel  Dieu  nous  monstre  qu'il  nous  faut  du  tout  recourir  a  luy:  comme  aussi  nostre  Seigneur  Iesus  nous  apprend,  quand  nous  demandons  nostre  pain  ordinaire  a  Dieu  son  Pere,  c'est  pour  protester  que  nous  tenons  tout  de  sa  benediction.  Et  au  reste  il  adiouste:  Que  tant  celuy  qui  sera  pur,  que  celuy  qui  sera  souille  en  pourront  manger.  Par  ceci  nostre  Seigneur  ne  donne  pas  une  licence  a  ceux  qui  sont  souillez,  de  manger  en  mauvaise  conscience  ce  que  la  terre  aura  cree,  et  produit:  mais  il  signifie  qu'il  ne  faudra  point  garder  une  astriction  si  grande  en  ce  boire  commun,  et  au  manger,  comme  aux  sacrifices.  Car  ce  manger  avoit  un  autre  usage:  sur  tout  en  ces  banquets  sacrez  dont  nous  avoos  fait  mention,  il  falloit  s'estre  purifie  auparavant,  voire  selon  la  ceremonie  de  la  Loy.  Que  si  quelcun  venoit  au  temple,  et  apres  avoir  sacrifie  qu'il  mangeast,  il  devoit  s'estre  purifie  auparavant,  et  l'eau  estoit  la  a  l'entree  pour  cest  usage.  Or  ici  il  est  dit,  qu'il  ne  faudra  point  garder  une  servitude  si  estroite  quant  au  boire  commun,  et  au  manger.  Voila  l'intention  de  Moyse.  Or  cependant  si  nous  faut-il  aussi  noter,  que  tout  ce  que  nous  attouchons  est  souille  par  nostre  pollution,  si  ce  n'est  que  nous  soyons  dediez  a  Dieu:  comme  S.  Paul  dit:  Que  tout  est  pur  a  ceux  qui  sont  purs  et  nets,  et  qui  ont  leur  conscience  droite  devant  Dieu,  et  purifiee  par  foy:  mais  au  contraire  les  incredules,  qui  n'ont  nulle  crainte  de  Dieu,  quand  ils  attouchent  au  pain,  et  au  vin,  ils  ne  font  que  polluer  tout,  que  les  creatures  de  Dieu  sont  infectees  de  l'ordure  qui  est  en  eux.  Et  il  nous  faut  tenir  ceste  reigle-la:  et  sur  tout  au  boire,  et  au  manger  il  faut  que  nous  ayons  ceste  integrite-la,  de  nous  dedier  a  Dieu.  Mais  notons  que  nous  ne  pouvons  pas  estre  si  bien  disposez  tousiours  en  beuvant  et  en  mangeant  pour  venir  a  Dieu  :  comme  quand  nous  venons  au  13*