1:198  [CO  1.  198]  nec  in  conspectum  Dominorum  venire  audent,  nisi  exactus  operarum  modus  constiterit.  Filii  vero,  qui  liberalius  et  magis  ingenue  a  patribus  tractantur,  eis  non  dubitant  inchoata  et  dimidiata  opera,  aliquid  etiam  vitii  habentia,  of-  [OS  226]  ferre:  confisi,  suam  obedientiam  et  animi  promptitudinem  illis  acceptam  fore,  etiamsi  minus  exacte  effecerint  quod  volebant.  Tales  nos  esse  oportet,  qui  certo  confidamus  obsequia  nostra  indulgentissimo  patri  probatum  iri:  quantulacunque  sint  et  quantumvis  rudia  ac  imperfecta.  Neque  haec  fiducia  parum  nobis  necessaria  est,  sine  qua  frustra  omnia  conabimur:  si  quidem  nullo  nostro  opere  se  coli  reputat  Deus,  nisi  quod  in  eius  cultum  vere  a  nobis  fiat.  Id  autem  qui  posset  inter  illos  terrores,  ubi  dubitatur,  offendaturne  Deus  an  colatur  nostro  opere?  Atque  ea  causa  est,  cur  autor  epistolae  ad  Hebraeos  quidquid  in  sanctis  patribus  bonorum  operum  fuisse  legitur,  ad  fidem  referat  et  ea  duntaxat  ex  fide  aestimet  (Hebr.  11).  De  hac  libertate  illustris  est  locus  in  epistola  ad  Romanos  (Rom.  6):  ubi  Paulus  ratiocinatur,  peccatum  non  debere  nobis  dominari,  quia  non  sumus  sub  lege,  sed  sub  gratia.  Cum  enim  fideles  hortatus  esset,  ne  peccatum  in  eorum  mortali  corpore  regnaret,  neve  exhiberent  membra  sua  arma  iniquitatis  peccato,  sed  Deo  se  devoverent  tanquam  ex [p. 406]  mortuis  viventes,  et  membra  sua  arma  iustitiae  Deo;  illi  vero  contra  obiicere  possent,  se  adhuc  suam  carnem  secum  ferre  plenam  concupiscentiis  et  peccatum  in  se  habitare:  subiicit  eam  consolationem  a  legis  libertate,  ac  si  diceret:  tametsi  nondum  extinctum  peccatum  ac  iustitiam  in  se  vivere  plane  sentiant,  non  esse  tamen  cur  formident  et  animo  deiiciantur,  quasi  Deum  semper  offensum  habeant  ob  peccati  reliquias,  quando  per  gratiam  a  lege  sint  manumissi,  ne  eius  regula  sua  opera  examinentur.  Qui  vero  peccandum  inferunt,  quia  non  simus  sub  lege,  hanc  libertatem  nihil  ad  se  pertinere  intelligant,  cuius  finis  est  nos  ad  bonum  animare.  Tertia:  ut  nulla  rerum  externarum,  quae  per  se  sunt  ἀδιάφοραι,  religione  coram  Deo  teneamur,  quin  eas  nunc  usurpare,  nunc  omittere  indifferenter  liceat.  Atque  huius  etiam  libertatis  cognitio  perquam  nobis  necessaria  est.  Quae  si  aberit,  nulla  conscientiis  nostris  futura  est  quies,  nullus  superstitionum  finis.  Videmur  hodie  plerisque  inepti,  qui  disceptationem  movemus  de  libero  esu  carnium,  de  libero  feriarum  vestiumque  usu  et  similibus,  ut  illis  quidem  videtur,  frivolis  nugis.  Sed  plus  istis  inest  momenti,  quam  vulgo  creditur.  Nam  ubi  semel  se  in  laqueum  coniecerunt  conscientiae,  longum  et  inextricabilem  labyrinthum  ingrediuntur,  unde  non  facilis  postea [p. 407]  exitus  patet.  Si  quis  dubitare  inceperit,  an  sibi  in  linteis,  indusiis,  sudariis,  mantilibus,  lino  uti  liceat,  nec  de  canabe  postea  securus  13*