7:197  197  DES  LIBERTINS.  198  reprenant  les  autres,  nous  commencions  par  nous:  en  corrigeant  les  delinquens,  nous  soyons  purs  des  crimes  que  nous  corrigeons  en  eux,  pour  monstrer  que  nous  sommes  menez  d'un  vray  zele  de  iustice,  hayssans  le  mal,  tant  en  nous,  comme  aux  autres,  sans  acception  de  personnes.  Or  il  y  a  bien  grande  difference  entre  ces  deux  choses:  de  ne  point  iuger  par  hypocrisie:  ou  ne  point  iuger  du  tout.  Nostre  Seigneur  nous  commande  de  iuger  en  verite,  n'estans  point  plus  severes  envers  noz  prochains,  que  contre  nous  mesmes.  Ces  canailles,  soubz  ombre  de  cela,  veulent  exclurre  et  abolir  tout  iugement,  quelque  raisonnable  qu'il  soit.  Combien  encor  qu'il  ne  s'ensuit  pas,  que  quand  un  hypocrite  reprendra  un  autre  [page  117]  en  se  flatant,  que  pour  cela,  celuy  qui  a  peche  soit  excuse.  Car  le  mal  est  tousiours  a.  condamner.  Mais  le  vice  de  l'hypocrite  est,  qu'il  ne  garde  pas  une  mesure  esgale  envers  soy:  et  qu'en  se  pardonnant  legierement,  il  use  d'une  rigueur  excessive  envers  les  autres.  Or,  comme  iay  dict  du  commencement,  ce  n'est  pas  sans  cause  que  ces  rustres  s'efforcent  de  gaigner  ce  poinct,  d'autant  que  ce  leur  seroit  une  bonne  entree,  quand  ilz  auroyent  persuade  au  monde,  qu'il  ne  faut  rien  trouver  mauvais.  Au  reste  il  faict  bon  d'observer  l'astuce  de  Sathan  en  cest  endroit,  et  considerer  a  quelle  fin  il  pretend.  Outre  ce  que  les  pechez  de  noz  prochains,  et  les  chastiemens  que  Dieu  en  faict,  nous  doyvent  estre  autant  d'advertissemens,  pour  ne  point  provoquer  l'ire  de  Dieu,  il  y  a  aussi  une  autre  chose  requise:  c'est  qu'il  nous  doit  mal  faire  et  devons  sentir  une  douleur  en  nostre  cueur,  de  ce  que  Dieu  est  offense,  et  de  ce  que  l'ame  du  pecheur  va  a.  perdition.  Nous  devons  avoir  un  tel  zele  [page  118]  a,  l'honneur  de  Dieu,  que  quand  il  est  blesse,  nous  en  sentions  une  angoisse,  qui  nous  brusle  le  cueur  (Ps.  69,  10).  Nous  devons  porter  une  telle  affection  a  noz  prochains,  que  quand  nous  les  voyons  en  dangier  de  se  ruiner,  et  principalement  quant  a  l'ame,  nous  soyons  esmeuz  de  pitie  et  compassion.  Sathan,  par  ces  galans,l)  voudroit  rendre  le  monde  stupide,  a,  fin  que  quelque  confusion  que  nous  voyons,  il  ne  nous  en  chaille,  que  nous  ne  soyons  aucunement  touchez  de  voir  le  nom  de  Dieu  estre  blaspheme,  ses  sainctz  commandemens  violez,  les  ames  perdues,  l'iniquite  regner.  Comme  a  la  verite  ce  sont  gaudisseurs,  qui  ne  se  font  que  moquer  de  tout  ce  qui  advient,  sans  rien  prendre  a  cueur,  de  peur  de  se  tuer  de  melancholie,  sinon  quand  on  ne  faict  point  les  choses  a  leur  gre.  Car  adonc  ilz  oublient  toutes  ces  belles  speculations,  de  ne  point  condamner:  et  y  sont  cent  fois  plus  aspres  et  plus  rigoureux  que  les  autres.  Mesme  de  ceux  1)  nebulones.