55:197  197  CAPUT  XIII.  198  generationis  et  omnes  gratias  nobis  conferri  Christi  beneficio.  Deinde  certam  est,  quum  nihil  omni  ex  parte  absolutum  a  nobis  prodeat,  nihil  posse  gratum  esse  Deo  sine  venia,  quam  per  Christum  obtinemus.  Ita  fit  ut  nostra  opera  gratiae  Christi  odore  perfusa,  suavem  fragrantiam  spirent  coram  Deo,  alioqui  foeteant.  Mihi  non  displicet  ad  utrumque  simul  extendi.  Clausulam  hanc  precationis:  cui  gloria,  ad  Christum  libenter  refero.  Quum  autem  hic  tribuat  Christo  quod  in  solum  Deum  competit,  luculentum  hoc  modo  testimonium  reddit  eius  divinitati.  Quamquam  si  quis  de  patre  malit  interpretari,  non  repugno.  Alterum  potius  amplector,  quia  minus  est  remotum.  Qui  eduxit  ex  mortuis.  Hoc  epithetum  ad  confirmationem  additum  est.  Significat  enim,  tunc  rite  demum  a  nobis  Deum  invocari,  ut  nos  ad  perfectionem  adducat,  quum  eius  potentiam  agnoscimus  in  Christi  resurrectione,  Christumque  ipsum  agnoscimus  pastorem.  In  summa,  vult  nos  in  Christum  respicere,  ut  bene  de  auxilio  Dei  speremus.  Nam  ideo  excitatus  est  Christus  a  morte,  ut  nos  eadem  Dei  virtute  renovemur  in  vitam  aeternam.  Et  magnus  est  omnium  pastor,  ut  sibi  a  patre  commissas  oves  tueatur.  Ubi  transtuli  in  sanguine,  alii  reddunt  per  sanguinem  :  sed  quum  2  plerumque  sumatur  pro  cum,  in  eo  sensu  hic  accipere  magis  placet.  Videtur  enim  mihi  apostolus  hoc  velle,  Christum  ita  resurrexisse  a  mortuis,  ut  mors  tamen  eius  non  sit  abolita,  sed  aeternum  vigorem  retineat.  Ac  si  dixisset,  Deus  filium  suum  excitavit,  sed  ita  ut  sanguis,  quem  semel  in  morte  fudit,  ad  sanctionem  foederis  aeterni,  post  resurrectionem  vigeat,  fructumque  suum  proferat,  perinde  ac  si  semper  flueret.  22.  Hortor  autem  vos.  Quidam  ita  accipiunt  ac  si  audientiam  sibi  fieri  peteret:  ego  aliter.  Nam  meo  iudicio,  se  paucis  aut  breviter  scripsisse  commemorat,  ne  videatur  minuere  quidquam  voluisse  ex  quotidiano  more  docendi:  praesertim  tamen  de  exhortationibus  loquitur,  in  quibus  fuit  brevior.  Dis-