52:197  197  CAPUT  II.  198  Christo  et  evangelio  dederunt.  Praedicit  ergo  Paulus  generalem  quandam  visibilis  ecclesiae  defectionem.  Ac  si  diceret,  ecclesiam  prius  in  deformes  et  horrendas  ruinas  oportet  redigi,  quam  adveniat  plena  eius  restitutio.  Hinc  colligere  promptum  est  quam  utile  sit  hoc  Pauli  vaticinium:  videri  enim  posset  non  fuisse  Dei  aedificium  quod  repente  dirutum  fuit,  quod  tamdiu  in  ruinis  iacuit,  nisi  multo  ante  Paulus  hoc  futurum  monuisset.  Imo  plerique  hodie,  quum  diuturnam  ecclesiae  dissipationem  secum  reputant,  vacillare  incipiunt,  ac  si  Dei  consilio  non  fuisset  hoc  gubernatum.  Romanenses  vero  ut  idoli  sui  tyrannidem  excusent,  praetexunt  hunc  colorem:  fieri  non  potuisse  ut  Christus  sponsam  suam  desereret.  Verum  habent  hic  infirmi  quo  se  sustineant,  quum  audiunt  iam  olim  fuisse  praedicta,  quam  cernunt  deformitatem  in  ecclesia:  Romanensium  vero  impudentia  aperte  refellitur,  quia  pronuntiat  Paulus  venturam  defectionem,  ubi  sub  Christi  imperium  redactus  fuerit  mundus.  Cur  autem  Dominus  ecclesiam  (quae  saltem  videbatur)  ita  foedum  in  modum  prolabi  passus  fuerit,  mox  videbimus.  Revelatus  fuerit  Prorsus  anile  commentum  fuit  de  Nerone,  quod  raptus  esset  de  mundo,  iterum  proditurus  ad  vexandam  sua  tyrannide  ecclesiam.  Et  tamen  sic  fascinatae  erant  veterum  mentes,  ut  Neronem  putarent  fore  Antichristum.  Paulus  autem  non  de  uno  homine  loquitur,  sed  de  regno  quod  a  Satana  occupandum  sit,  ut  sedem  abominationis  in  medio  Dei  templo  erigat:  quod  videmus  impletum  in  papatu.  Latius  quidem  defectio  grassata  est:  nam  Mahometes,  ut  erat  apostata,  Turcas  suos  a  Christo  alienavit.  Omnes  haeretici  suis  sectis  ecclesiae  unitatem  sciderunt.  Ita  totidem  fuerunt  a  Christo  discessiones.  Sed  Paulus  ubi  admonuit  talem  fore  dissipationem  ut  maior  pars  a  Christo  discederet,  maius  quiddam  addit:  tantam  fore  perturbationem,  ut  Satanae  vicarius  ecclesiae  dominium  occupet,  atque  illic  praesideat  loco  Dei.  Regnum  autem  istud  abominationis  sub  unius  personae  nomine  describit:  quia  unum  est,  utcunque  alii  aliis  succedant.  Nunc  intelligunt  lectores  sectas  omnes,  quibus  ab  initio  imminuta  fuit  ecclesia,  totidem  fuisse  defectionis  rivos,  quae  aquam  a  recto  cursu  abducere  incepit  :  sectam  vero  Mahometis,  instar  violentae  exundationis  fuisse,  quae  dimidiam  plus  minus  partem  suo  impetu  raperet.  Restabat  vero  ut  residuam  partem  veneno  suo  Antichristus  inficeret.  Ita  oculis  nostris  cernimus,  eventu  comprobatum  fuisse  hoc  memorabile  Pauli  vaticinium.  In  hac  expoiitione,  quam  effero,  nihil  coactum  est.  Somniabant  eius  aetatis  fideles,  se  post  exigui  temporis  molestias  in  coelum  esse  transferendos  :  Paulus  autem  contra  praedicit,  ubi  hostes  extraneos  aliquandiu  infestos  habuerint,  plus  malorum  instare  4omi:  quia  passim  abripiendi  sint  ad  foedam  perfi-