51:197  197  CAPUT  IV.  198  munus  sibi  commissam  assequuntur,  similiter  eius  donum  est.  Alios  quidem  apostolos.  Quum  his  nomen  unum  et  munus,  illis  autem  aliud  assignat,  semper  hoc  ad  illam  diversitatem  membrorum  refertur,  ex  qua  tamen  universi  corporis  integritas  constituitur:  ut  tam  aemulationem  et  invidiam,  quam  ambitionem  tollat.  Hoc  enim  est  quod  rectum  donorum  usum  corrumpit,  dum  sibi  quisque  ad*  dictus  est,  dum  quisque  eminere  vult,  dum  sibi  quisque  placet,  dum  minores  invident  maioribus.  Admonet  ergo,  singulis  aliquid  datum,  non  ut  seorsum  sibi  quisque  habeat  quod  accepit:  sed  ut  in  commune  omnes  conferant.  De  officiis,  quae  hic  recenset,  nonnihil  dictum  fuit  duodecimo  capite  prioris  ad  Corinthios.  Hic  tantum  perstringam,  quantum  loci  expositio  flagitare  videbitur.  Quinque  sunctionum  species  enumerat,  de  quibus  varie  disputari  scio.  Nam  et  quidam  ex  duabus  postremis  unam  tantum  faciunt.  Ego,  aliorum  omissis  opinionibus,  quod  mihi  videtur  dicam.  Apostolos  accipio  non  generaliter  secundum  etymologiam,  sed  in  propria  significatione,  pro  selectioribus  illis  quos  Christus  in  praecipuum  honorem  evexit,  quales  fuerunt  duodecim,  in  quorum  ordinem  postea  adscitus  fuit  Paulus.  Illorum  officium  fuit,  quaquaversum  in  toto  orbe  publicare  evangelii  doctrinam,  plantare  ecclesias,  et  regnum  Christi  erigere.  Ita  non  habebant  singuli  proprias  ecclesias  sibi  attributas:  sed  omnibus  commune  mandatum  erat  praedicandi  evangelii  quocunque  venissent.  Iis  proximi  erant  evangel  i  s  t  a  e  ,  et  munus  affine  habebant:  tantum  gradu  dignitatis  erant  dispares.  Ex  quo  genere  erant  Timotheus  et  similes.  Nam  quum  in  salutationibus  illum  sibi  adiungit  Paulus,  non  tamen  facit  in  apostolatu  socium,  sed  nomen  hoc  peculiariter  sibi  vendicat.  Ergo  secundum  apostolos,  istorum  subsidiaria  opera  usus  est  Dominus.  His  duobus  generibus  Paulus  interposuit  prophetas.  Quo  nomine  multi  intelligunt  eos,  qui  pollebant  dono  vaticinandi  de  rebus  futuris:  qualis  fuit  Agabus.  Ego,  quoniam  hic  agitur  de  doctrina,  malo  interpretari  quemadmodum  14.  prioris  ad  Corinthios  pro  eximiis  scilicet  prophetiarum  interpretibus,  ut  eas  in  rem  praesentem  singulari  quodam  revelationis  dono  accommodarent:  sic  tamen  ut  donum  vaticinandi,  quatenus  doctrinae  annexum  erat,  non  excludam.  Per  doctores  et  p  a  s  t  o  r  e  s  unum  officium  ideo  designari  quidam  putant,  quia  disiunctiva  particula,  quemadmodum  in  prioribus,  non  habetur,  quae  alterum  ab  altero  discernat.  Qua  in  sententia  sunt  Chrysostomus  et  Augustinus.  Nam  quae  in  commentariis  Ambrosianis  leguntur,  nimis  puerilia  sunt  et  indigna  Ambrosio.  Et  illis  quidem  ex  parte  subscribo,  Paulum  de  pastoribus  et  doctoribus  promiscue  loqui,  ac  si  unus  idemque  esset  ordo:  neque  etiam  nego  doctoris