5:197  PSYCHOPANNYCHIA.  Haec  non  solum  errorem  istorum  produnt,  sed  etiam  malignitatem  contra  Dei  opera  et  virtutes,  quas  eum  in  sanctis  suis  operari  scripturae  praedicant.  Nos  agnoscimus  Deum  velut  nascentem  in  electis  suis,  et  de  die  in  diem  crescentem:  quod  nos  docet  sapiens  (Prov.  4,  18):  Iustorum,  inquit,  semita,  quasi  lux  crescens  in  perfectum  diem.  Et  affirmat  apostolus  (Phil.  1,  6):  Quia  qui  coepit  in  vobis  opus  bonum,  perficiet  usque  in  diem  Domini  Iesu.  Isti  non  solum  opus  Dei  ad  tempus  intermittunt,  sed  etiam  exstinguunt.  [fol.  19]  Qui  prius  ibant  de  fide  in  fidem,  de  virtute  in  virtutem,  et  beatitudinis  gustu  fruebanftir,  quum  se  in  Dei  cogitatione  exercerent,  eos  et  fide,  et  virtute,  et  omni  Dei  cogitatione  exuunt:  desides  tantum  et  veternosos  in  stratis  collocant.  Quomodo  enim  profectum  illum  interpretantur?  An  existimant  animas  perfici,  quum  dormiendo  saginantur:  ut  pingues  et  nitidae  offerantur  in  conspectum  Dei,  quum  ad  iudicium  sederit?  Si  micam  salis  haberent,  non  ita  crasse  balbutirent  de  anima:  sed  quantum  distant  coeli  terra,  coelestem  animam  a  terreno  corpore  discernerent.  Ergo,  quum  desiderat  apostolus  dissolvi,  et  esse  cum  Christo  (Phil.  1,  23),  an  illis  videtur  velle  dormire,  ut  nullo  amplius  Christi  desiderio  teneatur?  Nempe,  hoc  fuit  eius  desiderium,  qui  sciebat  se  aliam  aedificationem  habere  ex  Deo,  domum  non  manu  factam,  si  terrestris  domus  sui  habitaculi  dissolveretur.  Pulchre  vero  esset  cum  Christo,  qui  desineret  vivere  vitam  suam.  Quid?  an  non  horrent  ad  vocem  Domini,  qui  vocans  se  Deum  Abraham,  Isaac  et  Iacob,  simul  respondet,  se  Deum  esse  viventium  non  mortuorum  (Marc.  12,27)?  Neque  igitur  ille  est  eis  in  Deum,  neque  illi  sunt  in  populum.  Sed  aiunt  haec  tum  demum  vera  fore,  quum  mortui  suscitabuntur  ad  vitam,  quum  etiam  verba  sic  habeant:  De  resurrectione  mortuorum  non  legistis  quod  dictum  est?  Non  tamen  sic  se  explicant.  Quum  enim  Christo  negotium  esset  cum  Sadducaeis,  qui  non  resurrectionem  modo  negabant,  sed  animarum  quoque  immortalitatem:  hoc  uno  verbo  duos  errores  convicit.  Nam  si  Deus  viventium  est  Deus,  non  mortuorum:  Abraham  autem,  Isaac  et  Iacob,  defuncti  erant  hac  vita,  quum  Mosi  Deus  loqueretur,  dicens  se  eorum  esse  Deum,  colligitur  ergo  eos  aliam  vitam  vivere.  Esse  enim  eos  oportet,  quorum  Deus  se  Deum  facit.  Unde  et  Lucas  addit:  Omnia  enim  illi  vivunt:  non  intelligens  omnia  vivere  Dei  praesentiae,x)  sed  eius  virtute.  Hoc  ergo  relinquitur,  Abraham,  Isaac,  et  Iacob,  vivere.  Cui  sententiae  accedit  illud  apostoli  (Rom.  14,  8):  1)  praesentiae,  habent  1542.1563  assentiente  Gallo  (a  la  presence).  Becentiores  mentem  autoris  minus  bene  attmgentes  emendarunt:  praesentia