30:197  197  IN  I.  LIB.  SAMUEL.  CAP.  XVII.  198  tertius  quoque  Samma.  14.  David  autem  erat  minimus.  Tribus  ergo  maioribus  sequutis  Saulem  15.  Abiit  David,  et  reversus  est  a  Saul,  ut  pasceret  gregem  patris  sui  in  Bethlehem.  16.  Procedebat  vero  Philistaeus,  mane  et  vespere,  et  stabat  quadraginta  diebus.  17.  Dixit  autem  Isai  ad  David  filium  suum:  Accipe  fratribus  tuis  ephi  polentae,  et  decem  panes  istos^  et  curre  in  castra  ad  fratres  tuos.  18.  Et  decem  formellas  casei  has  deferes  ad  tribunum:  et  fratres  tuos  visitabis,  si  recte  agant:  et  cum  quibus  ordinati  sunt,  disce.  19.  Saul  autem  et  illi,  et  omnes  filii  Israel  in  valle  terebinthi  pugnabant  adversus  Philistiim.  20.  Surrexit  itaque  David  mane,  et  commendavit  gregem  custodi:  et  onustus  abiit,  sicut  praeceperat  ei  Isai:  et  venit  ad  locum  Magala,  et  ad  exercitum  qui  egressus  ad  pugnam  vociferatus  erat  in  certamine.  21.  Direxerat  enim  aciem  Israel:  sed  et  Philistiim  ex  adverso  fuerant  praeparati.  22  Derelinquens  ergo  David  vasa  quae  attulerat,  sub  manu  custodis  ad  sarcinas,  cucurrit  ad  locum  certaminis,  et  interrogabat  si  omnia  recte  agerentur  inter  fratres  suos.  23.  Quumque  adhuc  ille  loqueretur  eis,  apparuit  vir  ille  spurius  adscendens,  Goliath  nomine,  Philistaeus  de  Geth,  de  castris  Philistinorum:  et  loquendo  eo  haec  eadem  verba  audivit  David.  24.  Omnes  autem  Israelitae  videntes  virum,  fugerunt  a  facie  eius,  timentes  eum  valde.  25.  Et  dixit  unus  quispiam  de  Israel:  Num  vidistis  virum  hunc  qui  adscendit?  ad  exprobrandum  enim  Israeli  adscendit.  Virum  ergo  qui  percusserit  eum  ditabit  rex  divitiis  magnis,  et  filiam  suam  dabit  ei,  et  domum  patris  eius  faciet  absque  tributo  in  Israel.  26.  Et  ait  David  ad  viros  qui  stabant  secum,  dicens:  Quid  dabitur  viro  qui  percusserit  Philistaeum  hunc,  et  tulerit  opprobrium  de  Israel?  Quis  est  enim  hic  Philistaeus  incircumcisus  qui  exprobravit  acies  Dei  viventis?  27.  Referebat  autem  ei  populus  eundem  sermonem,  dicens:  Haec  dabuntur  viro  qui  percusserit  eum.  Magna  sane  et  inaestimabilis  virtus  eius  est  qui  vitam  agit  privatam,  quietam  et  securam,  non  invidens  aliis  summos  honores  et  dignitates.  Notum  enim  est  quam  altas  radices  agat  natura  in  hominibus  superbia,  ut  quisque  cupiat  eminere  et  in  alios  imperium  obtinere.  Quare  difficile  est  intra  modestiae  et  humilitatis  terminos  sese  continere,  suaque  conditione  contentum  esse,  vilemque  et  abiectum  haberi,  aliis  ad  summos  honores  et  dignitates  evectis:  et  Deo  placide  inservire,  non  sollicitante  concupiscentia  neque  impellente  ad  honorum  cupiditatem  :  singularis,  inquam,  illa  est  virtus.  Et  vicissim  rara  virtus  est,  si  quis  honoribus,  dignitate,  gratia  et  autoritate  praeditus  non  effertur  neque  insolescit:  sed  sese  totum  Dei  cultui  addicit,  et  pro  viribus  proximorum  utilitati  studet,  et  quo  maioribus  donis  a  Deo  donatus  est,  oo  se  magis