29:197  197  SUR  LE  DEUTER.  CHAP.  XXXIII.  198  nostre  salut.  Et  voila  pourquoy  Moyse  adiouste,  que  son  habitation  sera  en  haut,  ou,  V  habitation  est  du  Dieu  souverain,  et  que  ses  bras  sont  au  dessous  a  iamais.  Or  il  est  vray  que  ce  mot  d'Habitation  est  expose,  comme  s'il  estoit  dit  que  Dieu  est  la  retraitte  des  siens  :  comme  aussi  il  en  est  parle  au  cantique  de  Moyse,  Pseaume  nonantiesme:  Seigneur,  tu  as  este  de  tout  temps  nostre  retraitte.  Et  ceste  similitude  est  assez  souvent  mise,  pour  monstrer  que  nous  serions  exposez  et  au  vent  et  a  la  pluye,  et  a  chaut,  et  a  froid,  sinon  que  nostre  Seigneur  nous  perservast,  et  que  nous  fussions  logez  sous  ses  aisles.  Ceste  sentence  donc  seroit  bien  convenable  et  utile,  c'est  assavoir  que  l'habitation  du  Dieu  souverain  et  eternel,  que  c'est  une  demeure  certaine:  et  ainsi,  que  nous  avons  a  nous  recueillir  sous  luy,  et  qu'alors  nous  demeurerons  en  seurte,  que  nous  serons  bien  logez,  comme  il  en  est  parle  au  Pseaume  91.  Et  i'ay  dit  que  c'est  une  doctrine  qu'on  voit  quasi  par  tous  les  fueillets  de  l'Escriture  saincte.  Mais  pource  qu'il  y  a  grande  briefvete  aux  mots,  et  qu'il  est  simplement  dit,  ^habitation  de  Dieu  eternelle,  tout  reviendra  aussi  a  un,  quand  on  prendra,  que  Dieu  a  sa  demeure  permanente,  qu'il  ne  change  point,  comme  nous  voyons  qu'il  faut  que  nous  soyons  tracassez  ici  bas  en  ce  monde,  que  nous  n'avons  nul  arrest.  Qu'est-ce  que  de  la  vie  des  hommes,  encores  de  ceux  qui  cuident  estre  logez  en  leur  nid,  pour  n'en  bouger  iamais?  si  faut-il  qu'ils  soyent  pourmenez  ca  et  la.  Et  de  faict,  il  ne  se  passe  point  une  minute  de  temps  que  nous  n'ayons  quelque  changement:  encores  qu'un  homme  soit  assis  ou  couche,  si  est-ce  qu'il  porte  tousiours  des  changemens  avec  soy,  et  luy-mesmes  se  change  en  ses  phantasies:  mais  encores  c'est  comme  un  ombre.  Tout  ainsi  que  nous  verrons  l'ombre  qui  voltige  tousiours  pour  se  retirer  d'un  coste,  pour  s'advancer  de  l'autre  :  ainsi  en  est  il  des  hommes  :  il  y  a  (di-ie)  une  agitation  continuelle,  qui  monstre  bien  que  leur  vie  s'escoule.  Or  a  l'opposite  il  est  dit  que  Dieu  a  une  demeure  permanente,  comme  sainct  Iaques  dit,  qu'il  ne  luy  advient  nul  ombrage.  Voila  Dieu  (dit-il)  ou  il  n'y  a  nul  trouble,  qu'il  ne  le  faut  point  accomparer  ni  a  nous,  ni  a  nulles  creatures  :  car  nous  varions,  et  faut  que  nous  soyons  tousiours  nous  mouvant,  qu'il  y  a  une  agitation  qui  nous  transporte  ca  et  la:  mais  en  nostre  Dieu  il  y  a  une  fermete  que  nous  ne  comprenons  point  ici.  En  somme,  l'intention  de  Moyse  a  este  de  monstrer,  que  quand  nous  aurons  nostre  fiance  en  Dieu,  quoy  qu'il  advienne  des  revolutions  tant  et  plus,  et  qu'il  semble  que  le  ciel  se  doive  mesler  avec  la  terre,  qu'auiourd'huy  il  y  ait  un  bruit  de  guerre,  demain  famine,  les  ennemis  approcheront,  qu'il  y  aura  quelque  rencontre  soudaine:  combien  donc  que  nous  soyons  assiegez  de  tant  de  morts,