27:197  197  SUR  LE  DEUTER.  CHAP.  XII.  198  donne  point  dequoy:  il  nous  faut  donc  porter  en  patience  nostre  petite  condition,  et  ne  point  lascher  la  bride  a  nos  appettits:  car  nous  ne  ferons  que  despitter  Dieu,  quand  nous  serons  menez  de  friandise,  et  de  chose  semblable:  ainsi  advisons  de  nous  contenter  du  peu  qu'il  nous  donne.  Et  voila  comme  les  riches,  combien  qu'ils  soyent  traittez  a  leur  aise,  qu'ils  ayent  dequoy  avoir  auiourd'huy  leurs  commoditez:  qu'ils  cognoissent  que  si  Dieu  les  en  veut  priver  demain,  qu'il  ne  leur  face  point  mal  de  tout  quitter:  mais  qu'il  s'humilient,  pour  dire:  Seigneur,  auiourd'huy  ie  vivray  selon  la  benediction  que  tu  m'auras  donnee,  demain  si  tu  me  voulois  appovrir,  il  est  bien  en  toy:  seulement  faymoy  la  grace  que  ie  soye  apprins  de  me  contenter  d'une  autre  facon  de  vivre  que  celle  que  i'ay  auiourd'huy.  Si  i'ay  auiourd'huy  de  la  pitance,  selon  que  ma  faculte  le  porte,  si  tu  voulois  m'amener  au  pain  bis,  que  ie  souffre  d'estre  reduit  a  cela,  et  que  i'aye  le  col  tout  plie  pour  recevoir  ton  ioug.  Voila  en  somme  ce  que  nous  avons  a  noter  de  ce  mot,  ou  Moyse  exprime  qu'il  faut  qu'un  chacun  se  gouverne  en  son  boire  et  en  son  manger  selon  la  benediction  de  Dieu,  c'est  a  dire,  selon  sa  faculte,  et  selon  que  Dieu  aura  donne  dequoy  a  chacun.  Or  nous  sommes  aussi  quant  et  quant  admonnestez  de  ne  point  gourmander  de  tout  ce  que  nous  pourrons  gagner  par  pillages,  et  par  meschantes  traffiques:  car  ce  n'est  plus  benediction  de  Dieu.  Quand  un  homme  par  fraude  et  par  malice  aura  attire  le  bien  d'autruy  a  soy  :  pourra-ii  appeller  cela  benediction  de  Dieu?  Il  est  vray  que  les  richesses  viendront  tousiours  de  la  main  de  Dieu:  mais  celuy  qui  s'est  enrichi  par  faudes,  et  rapines,  celuyla  est  reiette  de  Dieu,  et  desadvoue  pleinement.  Et  ainsi  donc  notons,  que  quand  un  homme  pourroit  par  meschantes  pratiques  avoir  dequoy  se  nourrir  grassement:  qu'il  ne  faut  pas  qu'il  se  permette  une  telle  licence.  Et  pourquoy?  Car  nous  sommes  ici  restraints  a  la  benediction  de  Dieu.  Si  cela  estoit  bien  note,  on  ne  verroit  point  auiourd'huy  tant  de  corruptions  par  tout  le  monde,  qu'on  en  voit.  Car  on  ne  dispute  sinon  d'avoir  dequoy  se  nourrir.  Par  quel  moyen,  si  cela  est  licite,  si  cela  est  raisonnable  :  on  ne  veut  point  entrer  en  telle  cognoissance.  Et  quand  un  homme  aura  le  moyen  de  piller,  et  fourrager,  il  ne  s'en  soucie  nullement.  Nous  voyons  les  rapines  qui  se  font,  nous  voyons  les  fraudes,  les  malices,  qu'il  n'y  a  auiourd'huy  estat  au  monde  qui  ne  soit  tant  perverti  que  c'est  un  horreur:  et  chacun  ne  demande  que  d'attirer  a  soy  la  substance  d'autruy,  et  c'est  tout  un  comment.  Et  pourquoy?  Car  nous  ne  regardons  point  a  la  benediction  de  Dieu:  et  mesmes  les  uns  par  mensonge,  les  autres  par  belles  tromperies  s'insinuent.  Et  pourquoy?  Afin  de  se  nourrir.  Voila  Dieu  qui  nous  appelle