20:197  197  1563  NOVEMB.  198  vehementer  gratum  esse  perspexi.  Postea  quum  res  differretur  6)  et  sollicitarent  Aureliam,  et  rebus  expensis  mecum  omnia  meditatus  communicarem  cum  nonnullis,  effeci  ut  per  bonos  viros  intelligeret  D.  Am.  quid  maxime  cuperem  atque  in  animo  haberem.  Atque  tunc,  nuncio  allato  de  profectione  D.  Vireti  in  provinciam  Occitanam,  ipse  sententiam  mutavit.  Sed  haec  rebus  peractis  supervacanea  sunt.  Iam  enim  a  me  scripta  arbitror.  7)  Quod  si  repeto,  ne  me  familiariter  tecum,  ut  soleo,  de  eadem  saepius  loquentem  et  rationem  facti  mei  reddentem  moleste  feras.  Huc  autem  specto  ut  intelligas  me  nunquam  poenituisse  consilii  tui,  aut  potius  ut  fatear  me  istuc  consilio  et  voluntate  Dei  adductum  esse,  ubi  me  non  inutilem  fore  spero.  De  statu  ecclesiae  nostrae  scripsi  antehac.  Is  est  nostrorum  numerus  ut,  quoniam  plura  aut  capaciora  loca  negantur,  nova  aedificia  in  iis  locis  ubi  convenire  solemus  exstruere  cogamur.  Nobis  postulantibus  concessum  est  a  senatu  regio  ne  ullae  publicae  supplicationes  fiant,  et  vetitae  sunt  sub  nomine  divorum  cviicpQctjQIa*.  Superiore  hebdomada  Helvetii  qui  hic  in  praesidiis  erant  revocati  abierunt,  eosque  aiunt  properare  Caletum.  Evertuntur  interea  muri  et  propugnacula  maximo  non  tantum  nostrorum  sed  omnium  civium  dolore.  Et  quod  per  aliquot  dies  intermissum  fuisse  scripseram  sequenti  die  redintegratum  est.  Senserunt  enim  autores  eversionis  nostros,  qui  tantam  ruinam  impedire  poterant,  in  aulam  adventare.  Nos  hodie  hominibus  admodum  invisi  et  odiosi  sumus,  sed  eo  magis  speramus  nos  Deo  gratos  fore.  Vicesima  huius  mensis  ingressus  est  Lutetiam  Amir.8)  contra  omnium  exspectationem  maximo  equitum  comitatu.  [Nongentos  perhibent  literae  ad  me  scriptae  sed  multo  plures  addit  rumor].9)  Longam  ingrederer  narrationem  si  recensere  vellem  technas  quibus  vafri  homines  ipsum  a  regis  congressu  summovere  et  reiicere  conati  sunt.  Nihil  tentatum  10)  non  est  ut  averti  metu  aut  deterreri  posset.  Ita  vero  loquutus  est  et  regi  et  reginae  ut  eius  animi  magnitudo  et  constantia  atque  etiam  pietas  omnibus  perspecta  fuerit.  Hinc  gravius  perculsi  adversarii  vias  omnes  tentarunt  quibus  dilato  in  certum  locum  colloquio  hominem  eluderent.  Rex  6)  Interea  enim  i.  e.  circa  m.  Octobrem  cum  D.  d'Anduse  agebatur  qui  revera  Nemausum  se  contulit.  7)  Si  scripta  fuerunt,  deperditae  sunt  literae.  8)  Languet  Cal  Dec.  p.  271  (vide  N.  4053,  not.  7):  Post  eius  adventum  factus  est  huc  tantus  concursus  nobilitatis  utriusque  partis  ut  vix  ullus  meminerit  in  hac  urbe  fuisse  tantam  frequentiam.  Metuebatur  initio  ne  quid  tumultus  oriretur  sed  Dei  beneficio  omnia  fuerunt  hactenus  tranquilla.  Cf.  Journ.  de  Bruslart.  (Mem.  de  Conde  I.  138.)  9)  Haec  in  margine.  10)  contatum  Br.