10.1:197  CONSILIA.  du  pappe  y  estoient.  Nous  nous  tenons  a  oster  les  images.  Car  Charlemaigne  ayant  deffendu  ladoration  na  oste  les  images,  qui  nous  a  faict  retumber  en  idolatrye.  Nous  ne  blasmons  point  les  conciles  car  nous  approuvons  les  iiij  premiers.  Quant  a  nostre  confession  que  lon  dict  avoir  este  faicte  par  les  ministres  seulz  chacun  en  a  dict  son  advys  et  le  tout  a  este  arreste  par  le  tesmoignage  de  lescripture  saincte.  Se  trouvera  aussy  que  ceulx  que  lon  dict  separez  de  leglise  Romaine  qui  sont  es  eglises  esparses  ont  mesme  doctrine.  Quant  au  concile  ou  est  remys  le  faict  des  images,  ie  ne  puys  esperer  concile  dont  on  puisse  tirer  fruict,  si  ce  nest  en  lieu  ou  les  ecclesiasticques  nayant  la  force  et  quil  nous  soit  donne  seurete,  non  obstant  lordonnance  du  concile  de  Constance  que  ce  ne  soit  appendice  du  concile  de  Trente,  et  que  enfin  quil  soyt  procede  par  aucteur  de  lescripture  et  sans  user  de  prescription.  Nous  ne  mesprisons  leglise  et  ne  nous  sommes  separez,  et  si  on  demande  ou  elle  a  este  depuys  lintroduction  des  images,  ie  demande  aussy  ou  elle  estoit  du  temps  dElye.  Iet  pense  que  la  nostre  a  este  entre  la  main  de  mauvais  agricoles.  COPP1E  D'UN  PAPPIER  DE  L'INQUISITEUR  HORRYS  DONNE  AUX  PRISONNIERS  POUR  LA  PAROLE  A  LION  POUR  FAIRE  TENIR  A  MONSR.  CALVIN.1)  Memoire  a  Monsgr.  le  prient  de  remonstrer  que  les  commandemens  de  ia  vielle  loy  ne  sont  pas  les  commandemens  donnee  aux  Chrestiens.  Premierement  la  ou  il  y  a  une  autre  loy  la  sont  autres  commandemens.  Au  nouveau  testament  U  y  a  une  autre  loy  qui  se  nomme  evangelique  quil  ny  avoit  au  vieil  testament  auquel  estoit  la  loy  mosaique.  Dont  les  commandemens  donnez  aux  Chrestiens  sont  autres  que  les  commandemens  donnez  aux  Israelites.  Secondement  les  chrestiens  ne  sont  tenuz  dobserver  aucuns  commandemens  silz  ne  sont  moraux,  qui  est  a  dire  de  la  loy  naturelle  ou  evangelique,  qui  est  a  dire  de  la  loy  de  la  foy,  qui  sont  deux  reigles  de  vivre  cest  assavoir  humaine  et  divine.  Dont  la  premiere  convient  a  Ihomme  entant  quil  est  humain  et  la  seconde  lui  convient  entant  quil  est  chrestien.  Dont  tout  commandement  qui  nest  point  de  la  loy  de  nature  cest  assavoir  de  raison  naturelle  ou  de  la  foy  ne  nous  oblige  point  combien  quil  soit  escrit  au  vieil  testament  Tiercement  le  precepte  donne  au  vieil  Israel  de  ne  faire  point  dimage  taillee  et  de  ne  ladorer  nest  point  de  raison  naturelle.  Et  par  consequent  ce  nest  pas  un  precepte  moral  et  nest  point  de  la  loy.  Car  il  nest  point  escrit  en  evangile  et  nouveau  testament  1)  Bibi  de  Geneve  Cod.  113,  fol  67,