1:197  [CO  1.  197]  probari  potest.  Quales  isti  sunt:  quod  Christus  factus  sit  pro  nobis  execratio,  ut  nos  ab  execratione  legis  redimeret;  item:  in  libertate,  qua  Christus [p. 403]  nos  liberavit,  state,  et  ne  rursus  iugo  servitutis  implicemini.  Ecce  ego  Paulus  dico:  si  circumcidamini,  Christus  vobis  nihil  proderit.  Et  qui  circumciditur,  debitor  est  universae  legis.  Christus  vobis  otiosus  factus.  Quicunque  per  legem  iustifi-  [OS  225]  camini,  a  gratia  excidistis  (Gal.  3.  5).  Quibus  certe  aliquid  sublimius  continetur,  quam  caeremoniarum  libertas.  Altera,  quae  ex  superiore  illa  pendet,  ut  conscientiae  non  quasi  legis  necessitate  coactae,  legi  obsequantur,  sed  legis  ipsius  iugo  liberae,  voluntati  Dei  ultro  obediant.  Quoniam  enim  in  perpetuis  terroribus  versantur,  quamdiu  sub  legis  dominio  sunt,  alacri  promptitudine  in  obedientiam  Dei  nunquam  compositae  erunt,  nisi  huiusmodi  prius  libertate  donatae.  Exemplo  et  brevius  et  magis  perspicue  assequemur,  quo  haec  pertineant.  Legis  praeceptum  est,  ut  diligamus  Deum  nostrum  ex  toto  corde,  ex  tota  anima,  ex  totis  viribus.  Id  ut  fiat,  anima  prius  omni  alio  sensu  ac  cogitatione  est  evacuanda,  cor  omnibus  desideriis  expurgandum,  vires  in  hoc  unum  colligendae  et  contrahendae.  Qui  prae  aliis  multum  progressi  sunt  in  via  Domini,  longissime  absunt  ab  hac  meta.  Nam  etsi  Deum  ex  animo  diligunt  et  sincero  cordis  affectu,  multam  tamen  adhuc  cordis  et  animae  partem  occupatam  habent  carnis  cupiditatibus, [p. 404]  quibus  retrahuntur  et  sistuntur,  quominus  citato  ad  Deum  cursu  pergant.  Multo  quidem  conatu  contendunt,  sed  caro  partim  eorum  vires  debilitat,  partim  ad  sese  applicat.  Quid  hic  faciant,  dum  sentiunt  nihil  se  minus  quam  legem  praestare?  Volunt,  adspirant,  conantur;  sed  nihil  ea  qua  decet  perfectione.  Si  legem  intuentur,  quidquid  tentent  aut  meditentur  operis,  maledictum  esse  vident.  Nec  est  quod  se  quisquam  fallat,  colligens  opus  eo  ipso  non  omnino  malum  esse,  quia  imperfectum;  et  ideo  quod  in  eo  boni  est,  Deo  nihilominus  acceptum  esse.  Nam  lex  perfectam  dilectionem  exigens,  omnem  imperfectionem  damnat.  Opus  igitur  suum  consideret,  quod  pro  parte  bonum  videri  volebat,  et  eo  ipso  transgressionem  legis  esse  inveniet,  quia  imperfectum  est.  En  quomodo  omnia  nostra  opera  legis  maledictioni  subiacent,  si  ad  legis  modum  exigantur.  Quomodo  autem  tum  se  alacriter  accingerent  ad  opus  infelices  animae,  pro  quo  non  nisi  maledictionem  se  referre  posse  confiderent?  Rursum  si  ab  hac  severa  legis  exactione,  vel  potius  toto  legis  rigore  liberatae,  paterna  lenitate  se  a  Deo  appellari  audiant,  hilares  et  magna  alacritate  vocanti  respondebunt  et  ducentem  sequentur.  In  summa,  qui  legis  iugo  adstringuntur,  servis  sunt  similes:  quibus  certae  in  singulos  dies  operae  a  Dominis  indicuntur.  Hi [p. 405]  enim  nihil  effectum  putant,