7:196  motz:  Ne  iugez  point  (Matth.  7,  1).  Mais  a  quel  propos?  C'est  pour  reprendre  la  temerite  de  ceux  qui  usurpent  l'auctorite  de  Dieu,  en  iugeant  des  choses  qui  leur  sont  incongneues.  Ce  mesme  argument  est  traicte  par  sainct  Paul  au  14.  des  Romains  (v.  10):  ou  il  reprend  ceux  qui  veulent  condamner  leurs  freres  en  actes  indifferens.  Nous  avons,  dictil,  tous  [page  114]  un  iuge.  C'est  a  cestuy  la≫  que  nous  avons  a  rendre  compte.  C'est  aussi  a  luy  qu'il  appartient  d'en  determiner.  Parquoy  n'assubiectissons  point  noz  prochains  a  nostre  opinion.  C'est  une  belle  doctrine  et  bien  utile:  que  comme  il  n'y  m  a  qu'un  seul  legislateur  spirituel,  qui  est  Dieu:  aussi  qu'il  n'y  a  que  luy  seul  iuge  competent  de  noz  ames.  Cependant,  ce  n'est  pas  a  dire  que  son  iugement,  qu'il  a  desia  donne,  ne  tienne  comme  vallable.  Quand  donc  nous  iugeons  paillardise,  larrecin,  blaspheme,  yvrognerie,  ambition,  estre  choses  meschantes,  nous  ne  faisons  pas  iugement  de  nous:  mais  seulement  ratifions  celuy  que  Dieu  en  a  donne.  Au  contraire,  ces  canailles  faisans  semblant  de  ne  point  vouloir  iuger,  se  constituent  iuges  au  dessus  Dieu.  Ie  vous  demande:  si  apres  qu'un  iuge  souverain  auroit  prononce  sa  sentence,  un  particulier  disoit:  II  faut  laisser  la  chose  en  doute,  comme  si  iamais  il  n'en  eust  este  decide,  et  ne  faut  pas  tenir  la  cause  qui  a  este  condamnee,  pour  mauvaise;  ne  meriteroit  [page  115]  il  pas  d'estre  puny  estroictement,  comme  un  seditieux  et  mutin,  voulant  rescinder  tout  ordre  de  iustice?  Or  ces  meschans  chiens,  soubz  ombre  de  dire  qu'il  ne  faut  point  iuger,  revoquent  tous  les  arrestz  que  Dieu  a  faictz  et  publiez:  et  disent  que  toutes  les  condamnations  qu'il  a  iamais  faictes,  sont  frustratoires.  1)  Nous  voyons  donc,  comment  il  ne  nous  est  pas  loisible  d'attenter  a  faire  iugemens  de  nostre  teste:  qu'aussi  il  nous  faut  tenir  pour  bon,  ce  que  Dieu  a  iuge:  et  quasi  le  ratifier  en  nous  y  accordant.  Ainsi  pour  luy  donner  tesmoignage  qu'il  est  bon  iuge  et  equitable:  condamnons  avec  luy  toutes  meschantes  oeuvres:  et  pareillement,  suyvans  son  admonition,  iugeons  de  la  bonte  ou  mauvaistie  de  l'arbre  selon  les  fruictz.  Ilz  alleguent  puis  apres  ceste  sentence:  Hypocrite,  tire  premierement  la  poultre  de  ton  oeil  et  puis  tu  tireras  le  festu  de  l'oeil  de  ton  frere  (Matth.  7,  5).  Mais  que  veulent  ils  conclurre  par  cela?  Ceste  reprehension  s'adresse  aux  hypocrites,  qui  ne  regardent  [page  116]  qu'aux  vices  d'autruy,  en  cachant  les  leurs.  Comme  quand  il  dit  aux  accusateurs  de  la  femme  paillarde:  Celuy  de  vous  qui  est  net  de  peche,  iecte  la  premiere  pierre  contre  elle  (Iehan  8,  7).  Il  n'entend  pas  qu'on  ne  doyve  punir  les  malfaicteurs  :  seulement  il  admoneste  qu'en  1)  meiamque  frustrationem  esse  quidquid  pronunciavit.