55:196  non  tam  sibi  uni  privatim,  quam  illis  omnibus  utiles  fore  preces  quas  pro  ipso  concipiens  Ac  si  diceret:  Non  tam  mihi  consulo  quam  vobis  omnibus:  quia  in  hoc  commune  omnium  bonum  agitur,  ut  vobis  restituar.  Hinc  colligi  forte  posset  probabilis  coniectura,  epistolae  autorem  tunc  fuisse  aut  negotiis  implicitum,  aut  detentum  persequutionis  metu,  quominus  sistere  se  tam  cito  coram  posset  quibus  scribebat.  Quamquam  fieri  potest  ut  liber  et  expeditus  sic  loquatur,  quia  reputet  hominis  gressus  in  manu  Dei  esse.  Idque  verisimilius  apparet  ex  fine  epistolae.1)  20.  Porro  Deus  pacis,  qui  eduxit  ex  mortuis  pastorem  ovium  magnum  in  sanguine  testamenti  aeterni,  Dominum  nostrum  Iesum,  21.  confirmet  vos  in  omni  opere  bono,  ut  faciatis  eius  voluntatem:  faciens  in  vobis  quod  acceptum  sit  coram  ipso,  per  Iesum  Christum,  cui  gloria  in  saecula  saeculorum.  Amen.  22.  Hortor  autem  vos,  fratres,  suscipite  sermonem  exhortationis.  Et  enim  brevibus  vobis  scripsi.  23.  Scitote  fratrem  Timotheum  solutum  esse,  cum  quo,  si  celerius  venerit,  videbo  vos.  24.  Salutate  omnes  qui  praesunt  vobis  et  omnes  sanctos.  Salutant  vos  Itali.  25.  Gratia  cum  omnibus  vobis,  Amen.  20.  Deus  pacis.  Ut  mutuo  faciat  quod  pro  se  fieri  cupit,  epistolam  claudit  precatione.  Petit  autem  a  Deo  ut  illos  in  omni  opere  bono  confirmet,  vel  aptet,  vel  perficiat.  Id  enim  valet  xaxapxtaai.  Unde  colligimus,  nos  ad  bene  agendum  minime  aptos  fore,  donec  a  Deo  formati  simus:  nec  in  bono  diu  staturos,  nisi  nos  confirmet.  Est  enim  proprium  eius  donum  perseverantia.  Nec  dubium  estf  quum  iam  in  illis  non  vulgaria  lucerent  dona  spiritus,  ut  visum  est,  non  primam  formam  qua  inchoentur,  sed  expolitionem  qua  perfecti  reddantur,  optari.  Iam  definitionem  bonorum  operum  ponit,  quum  Dei  voluntatem  statuit  pro  regula.  Nam  ita  significat,  non  alia  esse  habenda  bona  opera,  nisi  quae  ad  Dei  voluntatem  exiguntur,  sicuti  etiam  Paulus  ad  Romanos  12,  2,  et  pluribus  aliis  locis  docet.  Meminerimus  ergo  hanc  esse  bene  et  sancte  vivendi  perfectionem,  dum  vita  ad  eius  obedientiam  est  composita.  Quod  proxime  sequitur  membrum,  ad  explicationem  valet.  Faciens,  inquit,  quod  acceptum  sit  coram  illo.  Loquutus  erat  de  voluntate,  quae  in  lege  patefacta  est:  nunc  ostendit,  frustra  Deo  obtrudi  quod  non  praecepit,  quia  sua  placita  pluris  facit  quam  omnes  mundi  inventiones.  Quum  dicit  Per  Iesum  Christum,  bifariam  hoc  potest  exponi:  vel,  faciens  per  Iesum  Christum:  vel,  quod  illi  placeat  per  Iesum  Christum.  Ac  uterque  sensus  optime  congruit.  Scimus  enim  et  spiritum  re-  *)  Haec  exstant  iam  in  edit  a,  1541.