51:196  7,  39.  Nondum  spiritus  datus  erat,  quia  Iesus  nondum  erat  glorificatus.  Et  16,  7,  Expedit  vobis  ut  vadam.  Nisi  enim  abiero,  paracletus  non  veniet.  Denique  sicut  tunc  coepit  sedere  ad  dexteram  patris,  coepit  etiam  implere  omnia.  l  l  .  Et  ipse  dedit  alios  quidem  apostolos,  alios  autem  prophetas^  alios  vero  evangelistas,  alios  pastores  et  doctores,  12.  ad  instaurationem  sanctorum,  in  opus  ministerii,  in  aedificationem  corporis  Christi,  13.  usque  dum  occurramus  omnes  in  unitatem  fidei  et  cognitionis  filii  Dei,  in  virum  perfectum,  in  mensuram  aetatis  plenitudinis  Christi  :  14.  ne  amplius  simus  pueri  qui  fluctuemur,  et  circumferamur  quovis  vento  doctrinaef  per  astum  hominum,  per  versutiam  ad  circumventionem  imposturae.  Redit  ad  illam  gratiarum  dispensationem  cuius  meminerat:  et  fusius  declarat  quod  breviter  prius  attigit,  ex  ista  varietate  confici  in  ecclesia  unitatem,  sicut  varii  toni  in  musica  suavem  melodiam  conficiunt.  Simul  tamen  externum  verbi  ministerium  commendat  ab  utilitate  quae  inde  provenit.  Summa  est,  quod  evangelium  per  certos  homines  praedicatur  ad  id  munus  ordinatos,  hanc  oeconomiam  esse  qua  Dominus  ecclesiam  suam  vult  gubernare,  ut  incolumis  maneat  in  hoc  mundo,  et  tandem  solidam  suam  perfectionem  obtineat.  Caeterum  mirari  quis  possit,  cur  Paulus,  quum  de  spiritus  sancti  donis  esset  sermo,  nunc  officia  donorum  loco  commemoret.  Respondeo,  quoties  a  Deo  vocati  sunt  homines,  dona  necessario  coniuncta  esse  officiis.  Neque  enim  Deus  apostolos  aut  pastores  instituendo,  larvam  illis  duntaxat  imponit:  sed  dotibus  etiam  instruit,  sine  quibus  rite  functionem  sibi  iniunctam  obire  nequeunt.  Quisquis  ergo  Dei  autoritate  constituitur  apostolus,  non  inani  et  nudo  titulo,  sed  mandato  simul  et  facultate  praeditus  est.  Nunc  singula  verba  expendamus.  l  l  .  Ipse  dedit  Primum  significat,  non  esse  hoc  inventum  humanum,  sed  sacrosanctam  Christi  institutionem,  quod  regitur  ecclesia  verbi  praedicatione.  Neque  enim  apostoli  se  ipsi  crearunt,  sed  electi  fuerunt  a  Christo:  neque  hodie  qui  veri  sunt  pastores,  se  temere  ingerunt  proprio  arbitrio,  sed  a  Domino  excitantur.  Denique  regimen  ecclesiae,  quod  verbi  ministerio  constat,  non  ab  hominibus  excogitatum,  sed  a  filio  Dei  positum  esse  docet.  Proinde  tanquam  inviolabili  eius  decreto  acquiescendum:  et  quicunque  hoc  ministerium  vel  respuunt,  vel  adspernantur,  eos  in  Christum  autorem  iniurios  et  rebelles  esse.  Ipse  ergo  est  qui  dedit:  quia  nisi  excitet,  nulli  erunt.  Unde  etiam  colligimus,  neminem  fore  idoneum  aut  parem  tam  praeclaro  muneri,  nisi  qui  a  Christo  formatus  et  factus  fuerit.  Quod  ergo  evangelii  ministros  habemus,  eius  est  donum:  quod  excellunt  necessariis  donis,  eius  est  donum:  quod