50:196  obiecta  belle  se  defunctos  putant:  sed  contextus  evincet  de  lege  quoque  morali  fieri  verba.  16.  Nisi  per  fidem.  Non  significat  tantum  caeremonias  aut  quaevis  opera  non  sufficere,  nisi  accedat  fidei  adminiculum:  sed  propositioni  negativae  exclusivam  opponit:  ac  si  diceret,  non  operibus,  sed  sola  Christi  fide.  Alioqui  inepta  esset  atque  ab  instituto  extranea  sententia.  Nam  pseudoapostoli  non  repudiabant  Christum  neque  fidem  :  sed  postulabant  caeremonias  coniungi.  Si  eiusmodi  coniunctionem  recepisset  Paulus,  iam  plenus  consensus  fuisset  inter  eos.  Frustra  igitur  Paulus  tam  odiosa  concertatione  turbasset  ecclesiam.  Maneat  igitur  illud  constitutum:  hic  propositionem  esse  exclusivam,  nos  non  aliter  iustificari  quam  fide:  aut,  non  nisi  fide  iustificari:  cui  ista  aequipollet,  nos  sola  fide  iustificari.  Unde  apparet  quam  pueriliter  hodie  ineptiant  papistae,  de  dictione  sola  nobiscum  rixando:  perinde  acsi  nostra  esset.  Sed  Paulo  scilicet  theologia  papistarum  ignota  erat:  fide  hominem  iustificari  dictitant:  partem  iustitiae  locant  in  operibus.  Talem  dimidiam  iustitiam  nesciebat  Paulus.  Nam  quum  nos  fide  iustos  esse  docet,  quia  operibus  non  possumus:  pro  confesso  sumit  quod  verum  est,  nos  Christi  iustitiae  non  aliter  esse  capaces,  quam  si  propriae  iustitiae  inopes  egenique  simus.  Ergo  aut  nihil  aut  totum  adscribi  debet  fidei  vel  operibus.  De  vocabulo  iustificationis,  et  qualiter  eius  causa  sit  fides,  postea  videbitur.  Non  iustificabitur  omnis  caro.  Conscientiam  Petri  et  aliorum  prius  testem  citaverat.  Nunc  magis  confirmat,  pronuntiando  ita  esse:  hoc  est,  neminem  mortalium  operibus  legis  adepturum  iustitiam.  Hoc  fundamentum  est  gratuitae  iustitiae,  quum  propria  iustitia  nudamur.  Porro  quemquam  mortalium  iustificari  ncgans,  tantundem  sumit,  ac  si  diceret  excludi  cunctos  mortelles  a  iustitia  legis,  nec  fieri  posse  ut  quis  ad  eam  perveniat.  17.  Porro  si  quaerentes  iustificari  in  Christo,  inventi  sumus  ipsi  quoque  peccatores:  ergo  Christus  peccati  minister  est?  absit.  18.  Nam  si  quae  destruxit  haec  rursum  aedifico,  praevaricatorem  meipsum  constituo.  19.  Ego  enim  per  legem  legi  mortuus  sum,  ut  Deo  viverem:  cum  Christo  sum  crucifixus.  20.  Vivo  autem  non  amplius  ego,  sed  vivit  in  me  Christus:  quod  autem  nunc  vivo  in  carne,  in  fide  vivo  Filii  Dei,  qui  dilexit  me,  et  tradidit  seipsum  pro  me.  21.  Non  obiicio  gratiam  Dei.  Si  enim  per  legem  iustitia:  ergo  Christus  gratis  mortuus  est.  17.  Si  quaerentes.  Redit  nunc  ad  Galatas:  ne  quis  hanc  sententiam  contexat  cum  superiore,  ac  si  pars  esset  orationis  ad  Petrum  habitae.  Quorsum  enim  his  fuisset  opus  apud  Petrum?  Etsi  hoc  nihil  ad  rem  vel  minimum.  Ideo  eligat  quisque  utrum