30:196  fuisse  affectum,  sed  attonitum  et  obstupefactum  haesisse.  Verum  enimvero  si  de  suis  viribus  diffidebant  Israelitae,  nonne  Dei  favor  ipsis  paratissimuin  erat  subsidium?  Cur  non  igitur  ad  Deum  precibus  ardentissimis  confugiebant?  Sed  Dei  non  meminerant,  metus  illorum  mentes  occupaverat,  itaque  de  remedio  adversus  tantum  malum  non  cogitaverunt.  Ex  quo  apparet,  Deo  spiritum  suum  ab  hominibus  subtrahente,  non  modo  destitui  illos  consilio  et  viribus  ad  resistendum  hostibus,  sed  ne  cogitare  quidem  de  remedio,  nempe  non  meminisse  Deum  satis  potentem  ad  ipsos  protegendos  et  invincibiles  efficiendos,  et  promptum  ad  eos  exaudiendos  qui  sese  in  ipsius  clientelam  recipiunt.  Sed  miser  iste  populus  nihil  nisi  metum  et  terrorem  concipit  viso  Goliatho,  Deique  interea  non  meminit:  aut  si  meminit  tamen  ad  ipsum  precibus  non  confugit.  Ex  quibus  discimus  tanto  studiosius  in  Deum  sensus  omnes  nostros  coniicere,  et  ardentius  ipsum  precari,  ut  nos  in  suam  clientelam  recipiat,  et  in  omnibus  rebus  adversis  imperterrito  et  constanti  animo  gratiam  perseverandi  largiatur:  certo  persuasis  Deum  nos  ex  omnibus  periculis  mortis  eruturum,  etsi  mille  mortes  nos  undique  circumdederat,  ut  loquitur  propheta  in  Psalmis.  Itaque  animo  confidenti  Deus  est  invocandus,  et  minime  dubitandum,  quin  nos  ex  animo  invocatus  exaudiat.  Ac  licet  non  simus  stupidi  et  insensibiles,  et  sit  nobis  adversus  plurimas  tentationes  certandum,  tamen  certum  est  omnes  calamitates  et  tentationes  nobis  in  summam  laetitiam  convertendas,  ut  in  omnium  calamitatum  exitu  re  ipsa  Deum  nobis  protectorem  et  patrem  experiamur  esse  velle,  modo  ipsi  talem  obedientiam  reddamus,  quam  liberi  debent  parentibus:  et  ita  metum  omnem  superemus.  Neque  vero  tantum  in  summo  quodam  discrimine  divinum  nobis  auxilium  est  sperandum,  sed  persuasos  esse  oportet  quamdiu  in  terris  vivimus,  Deum  nobis  nunquam  defuturum,  ac  si  pro  nobis  fuerit,  nullam  tantam  esse  hominum  vim  quae  nobis  exitium  afferre  possit,  quamdiu  sub  alarum  ipsius  umbra  delituerimus.  Iam  vero  agite,  ete.  HOMILIA  LXI.  12.  David  autem  erat  filius  viri  Ephrataei,  de  quo  supra  dictum  est,  de  Bethlehem  Iuda,  cui  nomen  erat  It  ai,  qui  habebat  octo  filios,  et  erat  vir  in  diebus  Saul  .senex,  et  grandaevus  inter  viros.  13.  Abierunt  autem  tres  filii  eius  maiores  post  Saul  in  praelium:  et  nomina  trium  filiorum  eius  qui  perrexerunt  ad  bellum,  Eliab  primogenitus,  et  secundus  Abinadab,