27:196  ils  despittent  Dieu,  et  s'abrutissent  la  du  tout:  que  si  le  vin  ne  leur  regorge,  et  qu'ils  le  puissent  entonner  comme  en  des  houseaux,  ce  ne  leur  est  point  assez,  Gardons-nous  d'une  telle  brutalite:  mais  que  ceci  nous  vienne  au  devant,  que  nous  sommes  en  la  presence  du  Seigneur.  Or  il  est  certain,  quand  nous  luy  porterons  telle  reverence,  que  nous  aurons  honte  de  gourmander,  en  sorte  que  nous  ressemblions  a  des  chiens,  ou  a  des  porceaux,  et  que  son  image  soit  deffiguree  en  nous,  quand  nous  serons  crevez  de  boire  et  de  manger  a  outrance.  Voila  ce  que  nous  avons  a  retenir.  Mais  aussi  quand  nous  aurons  une  annee  sterile,  que  nous  n'aurons  pas  vin  en  abondance,  que  le  bled  sera  cher:  nous  sommes  advertis  par  ce  passage  de  remercier  Dieu,  et  de  restraindre  nos  morceaux,  et  de  nous  mettre  une  bride.  Et  pourquoy?  Car  il  est  dit:  Que  nous  mangerons,  voire  selon  la  benediction  de  nostre  Dieu,  qu'il  nous  faut  regarder  quelle  faculte  Dieu  nous  donne  :  et  selon  que  nous  aurons  dequoy,  qu'un  chacun  apprenne  a  se  reigler,  que  nous  ne  soyons  point  comme  ceux  que  leurs  appettits  les  transportent,  tellement  qu'ils  iettent  tout  par  escuelles  (comme  on  dit)  afin  de  satisfaire  a  leur  ventre.  Il  y  aura  des  gens  qui  sont  si  frians,  que  plustost  que  de  se  restraindre  quand  Dieu  les  mettra  en  disette,  ils  vendront  et  robes,  et  plats,  et  escuelles:  ils  pouvoyent  considerer  qu'il  leur  falloit  reserver  quelque  chose  pour  l'advenir,  afin  que  s'ils  tomboyent  en  quelque  maladie,  et  autres  necessitez,  ils  eussent  quelque  peu  pour  se  subvenir.  Que  s'ils  avoyent  quelque  honnestete,  et  quant  et  quant  quelque  modestie,  pour  dire  :  Et  bien  :  Dieu  nous  veut  ici  traitter  petitement  :  qu'ils  avoyent  ceste  consideration-la  (di-ie)  ils  pouvoyent  dire:  Seigneur,  tu  as  tous  biens  en  ta  main,  voire,  et  en  telle  plenitude  que  tu  nous  en  pourrois  bien  eslargir  d'avantage:  mais  tu  veux  esprouver  nostre  patience.  Qu'il  te  plaise  donc  de  benir  le  peu  que  tu  nous  donnes,  afin  qu'il  nous  suffise:  que  ce  nous  soit  comme  Manne,  que  nous  cognoissions  seulement  que  tu  nous  y  declaires  ta  faveur.  Mais  quoy?  Il  n'est  question  que  de  remplir  le  ventre,  voire,  sans  regarder  ce  que  Dieu  nous  permet.  D'autant  plus  donc  nous  faut-il  bien  noter  ce  passage,  et  povres,  et  riches.  Que  celuy  qui  a  de  quoy  cognoisse,  c'est  la  benediction  de  mon  Dieu:  puis  qu'ainsi  est,  il  faut  que  ie  luy  en  rende  conte,  il  faut  que  i'advise  quel  est  l'usage  legitime,  lequel  il  m'a  ordonne,  c'est  assavoir  que  ie  ne  donne  point  a  ma  chair  tout  ce  qu'elle  desire,  et  appette:  mais  que  ie  garde  sobriete  quoy  qu'il  en  soit:  et  puis  que  ie  communique  a  ceux  qui  ont  faute  et  disette,  de  ce  que  i'ay  trop,  que  ie  leur  subvienne  de  mon  abondance:  que  les  riches  en  facent  ainsi.  Et  puis  que  les  povres  cognoissent  :  Et  bien  :  Dieu  ne  nous