10.1:196  voyre  la  croix  de  boys,  et  croy  que  le  premier  usage  en  a  este  bon  mais  par  succession  de  temps  cela  sest  empire.  Ce  signe  ne  sest  pratticque  iusques  a  Constantin  qui  est  entre  les  iij  et  iiij  c  ans  et  encores  lors  ny  fut  faicte  aucune  adoration  et  Helene  layant  trouve  et  envoye  a  Constantin  il  la  meit  in  foro.  Des  clous  on  dict  que  de  lung  elle  le  iecta  en  la  mer,  lautre  elle  en  feit  ung  mortz  au  cheval  de  Constantin,  lautre  feut  mis  au  diademe  dudict  Constantin:  en  quoy  elle  fut  louee.  Nous  ne  pouvons  en  cela  fere  que  ce  que  la  parolle  de  Dieu  nous  monstre  du  serpent  dairyn  qui  fut  brize  par  Ezechias  quand  il  veid  que  le  peuple  en  idolatroyt.  Quant  a  Theodorit  de  sacrificiis  ie  respondz  que  les  sacrifices  ordonnez  de  Dieu  ont  commance  avant  ceulx  des  gentilz:  mais  le  diable  a  voulu  contrefere  les  sacrifices  legitimes  de  Dieu  comme  singe  et  imitateur  de  ses  oeuvres.  Par  le  10e  des  Actes  et  xxje  de  lapocalipse  iavoys  prouve  que  S.  Pierre  ne  lange  navoient  pas  trouve  bon  lhonneur.  Aucuns  ont  dict  que  Corneille  tenoyt  du  gentilisme  :  mais  au  contrere  on  lappelle  religieux  et  alloit  S.  Pierre  vers  luy  pour  luy  monstrer  le  vray  messias.  Corneille  nest  repris  par  S.  Pierre  par  humilite  mais  parce  quil  le  failloit  reprendre  et  que  ledict  Cornelius  passoyt  mesure.  Et  les  serviteurs  de  Dieu  nont  iamais  en  lescripture  receu  les  honneurs  apartenans  aux  princes.  S.  Augustin  contra  Faustum  lib,  xx0  cap.  xxj��  dict  le  mesme.  Lange  semblablement  dict:  Conservus  tuus  sum,  adora  deum.  Partant  ie  concludz  que  si  le  prototipe  ne  porte  l'honneur  moings  se  doibt  fere  aux  images  et  au  tipe.  Quant  aux  martirs  qui  estoient  enterrez  soubz  les  autels  S.  Augustin  au  lieu  preallegue  dict:  Colimus  martyres  cultu  dilectionis  et  societatis.  Au  livre  de  la  vraye  relligion  chapp.  16e,  ou  il  parle  aux  chrestiens  non  aux  gentilz,  il  dict  que  les  sainctz  sont  a  honorer  pour  imitation,  non  adorer  pour  relligion.  Et  des  anges  dict:  Honoramus  eos  caritate  non  servitute,  qui  est  dulia  que  lon  a  voulu  separer  de  latrye.  S.  Augustin  de  moribus  ecclesiae  catholicae  dict  que  de  son  temps  il  y  avoit  des  adorateurs  dimages  et  painctures  lesquelz  il  blasme  grandement.  Quant  a  8.  Bazile  qui  dict  diverses  choses  de  la  vie  monastique  ie  dictz  que  ie  ne  puys  penser  que  Bazile  se  soyt  contrarye.  On  allegue  S.  Paul  et  8.  Iacques  de  la  foy  et  des  oeuvres.  En  cela  se  respondra  en  temps  et  en  lieu.  Il  y  a  a  present  mesme  idolatrye  ignorante  qu'il  y  avoit  anciennement.  Le  concile  de  Nicene  *)  ne  se  peult  recevoir  sans  erreur  de  la  foy.  Le  dict  concile  estoit  assemble  sans  les  eglises  de  Gaule  et  de  Germanye.  Eu  celluy  de  Francfort  les  ambassadeurs  1)  second.  (Add,  d'une  autre  main.)