9:195  195  ULTIMA  ADMONITIO  196  nempe  quod  Christus  mediator  deus  et  homo  totus  ubique  sit,  sed  non  totum  :  quia  carnis  suae  respectu  in  terra  aliquamdiu  versatus  est,  et  nunc  in  coelis  habitat.  Ac  mirum  est  homines  istos  tam  proterve  contra  veteris  ecclesiae  consensum  ferri.  Cuius  plenam  et  liquidam  probationem  a  fideli  Christi  ministro  et  venerando  fratre  nostro  Bullingero  petat  qui  volet.  Dicunt  Christum  adesse  velle  toti  ecclesiae  per  haec  verba:  Hoc  est  corpus  meum.  Esto,  modo  ne  improbissimum  mendacium  [pag.  160]  assuant,  voluntatem  hanc  et  praesentiam  Christi  nos  subruere  ex  principiis  philosophicis.  Quandoquidem  plus  satis  notum  est  non  aliud  totius  christianae  doctrinae  caput  pluribus  scripturae  testimoniis  fulciri.  Nec  minus  perverse  ultimo  loco  calumniantur  nos  Christo  fidem  cum  omnipotentia  adimere,  quasi  quisquam  nostrum  quaestionem  hactenus  moverit,  vel  hodie  disputet,  possitne  implere  Christus  quidquid  promittit,  an  vero  fallacibus  spectris  nos  deludat.  Atqui  sic  Christi  voluntatem  cum  omnibus  fidei  principiis  conciliat  nostra  docendi  ratio,  ut  praesentia  et  communicatio  carnis  eius,  qua  fruimur,  nullis  locorum  spatiis  alligetur:  ipse  vero  quod  figurat  mirabiliter  et  supra  ingenii  nostri  captum  praestet:  denique  analogiam  signi  et  rei  signatae  ita  concinnat,  ut  verbo  et  visibili  symbolo  non  modo  fructus  vel  effectus  gratiae  quem  ex  Christi  societate  percipimus,  sed  arcanae  [pag.  161]  cum  eius  carne  et  sanguine  communicationis  veritas  simul  annexa  sit.  Videndum  nunc  quam  dextre  argumenta  nostra*)  dissipent,  quae  ex  arenis  contexta  esse  volunt:  quia  sic  de  haereticis  loquutus  est  Irenaeus.  Primum  quod  enumerant  ex  quinquaginta  novem,  ad  diruenda  funditus  omnia  obiecta,  quibus  hactenus  praeclare  munitos  se  putarunt,  unum  abunde  sufficit.  Nam  si  propius  excutias  quaecunque  afferunt,  summa  huc  redit,  omni  interpretatione  reiecta,  simpliciter  quod  verba  sonant,  tenendum  esse.  Hic  vero  nobis  murus  aheneus  est:  quia  sacramentum  instituit  Christus,  sacramentaliter  debere  exponi  eius  verba  pro  communi  scripturae  more.  Nam  sacramentis  omnibus  haec  quasi  perpetua  regula1)  est,  ut  signum  rei  signatae  nomen  accipiat.  Quid  ad  hoc  Magdeburgenses?  Concedi  posse  respondent  eo  pacto,  sicut  sacramentum  illud  claris  verbis  a  Christo  est  institutum,  [pag.  162]  non  sicut  metitur  ratio  humana.  Amplector  quod  dicunt,  modo  ne  claritatem  verborum  sua  pertinacia  obscurent.  Nam  *)  Fundamenta  illa  quae  dicebant  Magdeburgenses  sequuntur  in  eorum  Confessione  Argumenta  quae  ex  verbis  coenae  mire  contortis  seu  phrasi  aut  vicinis  loquutionibus  exstruere  moliuntur  Sacramentarii  numero  quinquaginta  novem  cum  uniuscuiusque  refutatione  (DI  .  H  2).  1)  la  facon  ordinaire  et  comme  le  style  perpetuel.