7:195  195  CONTEE  LA  SECTE  196  deviendra  ceste  sentence  de  Dieu,  ou  il  maudiet  tous  ceux  qui  diront  le  [page  l  l  l  ]  mal  estre  bien  (Ies.  5,  20)?  Voila  Dieu  qui  prononce  malheur  sur  nous,  si  nous  iustifions  ce  que  il  trouve  mauvais.  Ceux  cy,  au  contraire,  ne  veulent  souffrir  que  nous  condamnions  rien.  S'ilz  estoyent  princes  souverains  par  dessus  de  Dieu,  pour  donner  grace  de  sa  sentence,  il  y  auroit  a  penser.  Mais  qui  est-ce  qui  voudra  estre  condamne  de  Dieu,  pour  estre  absouls  de  Quintin?  Quand  ilz  veulent  mettre  en  avant  ce  bel  article,  ilz  usent  de  ces  termes:  qu'un  Chrestien  doit  faire  son  profit  de  tout.  Car,  ainsi  que  i'ay  dict  du  commencement,  iamais  ne  parlent  rondement,  pour  exprimer  leur  intention  au  net:  mais  circuissent  obliquement  a  l'entour  de  la  chose.  Or  ie  leur  confesse  volentiers,  qu'un  Chrestien  doit  faire  son  profit  de  tout,  en  tel  sens  que  l'escriture  le  monstre.  C'est  qu'en  adversite  il  pense  a  ce  que  dict  sainct  Paul,  que  les  afflictions  sont  envoyees  au  fidele,  pour  le  rendre  conforme  a  Timaige  de  Iesus  Christ,  et  ainsi  luy  sont  en  ayde  a  salut,  et  qu'en  cela  il  se  console  (Rom.  8,  29).  S'il  voit  son  prochain  [page  112]  faillir,  que  cela  luy  soit  un  miroir  pour  congnoistre  l'infirmite  de  la  nature  humaine,  a  fin  de  cheminer  en  plus  grand  crainte.  S'il  luy  advient  a  luy  mesme  de  tomber,  que  ce  luy  soit  un  advertissement,  pour  se  defier  de  sa  force,  s'humilier  et  despouiller  de  toute  presumption:  et  que  ce  luy  soit  un  esguillon  de  prier  Dieu  tant  plus  ardemment.  Voila  comment  un  Chrestien  fera  son  profit  de  tout:  non  pas  en  se  plaisant  en  ses  mesfaietz,  ou  fermant  les  yeux  pour  ne  point  voir  le  mal:  mais  plustost,  quand  en  estant  sache  et  contriste  de  voir  que  Dieu  soit  offense,  tant  par  luy  comme  par  un  autre,  il  est  instruict  a  repentance,  humilite,  crainte  de  Dieu,  solicitude,  pour  se  donner  garde  a  l'advenir.  Voila  comment  David  a  fait  son  profit  de  l'offense  qu'il  avoit  commise:  non  pas  en  se  iustifiant:  mais  apres  avoir  receu  condamnation,  se  confermant  d'autant  plus  en  la  bonte  de  Dieu,  et  advisant  de  ne  plus  retomber  en  tel  inconvenient.  Voila  comment  sainct  Paul  nous  admoneste  [page  113]  de  faire  nostre  profit  des  pechez  qu'ont  commis  les  enfans  d'Israel  contre  Dieu  (1  Cor.  10,  ll).  C'est  qu'en  considerant  les  punitions  qui  s'en  sont  ensuyvies,  nous  y  prenions  exemple.  Voila  finallement  a  quel  propos  l'escriture  nous  racompte  toutes  les  fautes,  tant  des  fideles  que  des  meschans  et  contempteurs  de  Dieu.  Ce  n'est  pas  pour  nous  aveugler,  a  fin  que  nous  ne  sachions  qu'en  dire  ne  definir,  et  que  nous  doutions  si  le  mal  est  bien:  mais  a  fin  qu'en  congnoissant  le  mal,  nous  l'evitions.  Comme  aussi  elle  nous  prononce  que  nous  en  devons  estimer.  Mais  ilz  alleguent  ce  qui  est  escrit,  de  ne  point  iuger.  Il  est  vray  que  nostre  Seigneur  Iesus  use  de  ces