6:195  LA  FORME  DES  PRIERES  Secondement,  qu9on  n'y  presente  point  les  enfans,  sinon  qu'ite  soyent  Uen  instruits  et  ayent  fait  profession  de  leur  foy  en  V  Eglise,  Tiercement,  afin  que  s'il  qui  est  originelle,  que  celle  qu'avons  desia  commise:  et  nous  pardonne  noz  pechez,  toutes  les  fois  que  humblement  luy  demandons  pardon,  et  ce  par  sa  grande  misericorde.  De  cela  vient  qu'en  nous  confiant  en  sa  paternelle  benevolence,  en  toute  adversite  nous  l'invoquons  avec  plus  grande  hardiesse  et  luy  demandons  ayde  et  secours.  En  apres  nous  suznmes  asseurez  que  comme  Iesus  Christ  a  la  iustice  et  la  vie  en  soy,  et  qu'il  vit  pour  le  Pere:  Ainsi  nous  summes  iustes  en  Iesus  Christ  et  vivons  en  nouvelle  vie  par  iceluy  Iesus  Christ.  Afin  donques  que  nous  considerions  ces  choses  avec  plus  grande  diligence  et  que  nous  soyons  rendus  plus  ardans  et  convoyteux  a  recevoir  ceste  saincte  viande  et  bruvage  de  vie  eternelle,  nous  adioustons  tresbien  avecques  Pseaumes  et  Hymnes  de  louange,  la  lecture  de  L'evangile,  la  confession  de  la  Foy,  et  les  sainctes  oblations  et  offrandes:  lesquelles  choses  declarent,  ce  qui  nous  est  donne  en  Christ,  et  quelz,  et  combien  sont  grans  les  biens  que  nous  recevons  par  la  communication  de  sa  chair  et  de  son  sang:  ou  bien  ilz  nous  admonestent  a  dignement  estimer  ces  choses,  et  les  louer  par  louanges  vrayes,  et  ardente  action  de  graces:  et  aussi  de  les  rendre  louables  et  precieuses  envers  les  autres.  Et  n'avons  point  pour  neant  adiouste  les  oblations  a  ce  qu'avons  dit  par  cy  devant.  Car  quand  nous  reduisons  en  memoire  (excitez  et  esmeuz  par  la  lecture  et  explication  de  L'evangile,  et  la  confession  de  nostre  Foy,  laquelle  on  fait  puis  apres)  que  Iesus  Christ  nous  est  donne  de  l'infinie  bonte  du  Pere  celeste,  et  avecques  luy  toutes  choses:  c'est  a  scavoir,  la  remission  des  pechez,  l'alliance  du  salut  eternel,  la  vie  et  iustice  de  Dieu,  Et  finallement  toutes  choses  desirables  lesquelles  sont  adioustees  aux  enfans  de  Dieu,  c'est  a  scavoir  a  ceux  qui  cerchent  le  Royaume  d'iceluy  et  sa  iustice  :  a  bonne  et  iuste  cause  nous  nous  offrons  et  nous  submettons  du  tout  a  Dieu  le  Pere,  et  a  nostre  Seigneur  Iesus  Christ  en  recongnoissance  de  tant  et  si  grans  biens.≫  Et  testifions  cela  par  offrandes  et  dons  saintz  (ainsi  que  la  charite  Chrestienne  requiert)  lesquelz  sont  administrez  a  Iesus  Christ,  en  ses  plus  petitz,  c'est  a  savoir  a  celuy  qui  a  sain,  qui  a  soif,  qui  est  nud,  qui  est  estrangier,  qui  est  malade  et  qui  est  detenu  en  prison.  Car  tous  ceux  qui  vivent  en  Christ  et  l'ont  demeurant  en  eux,  font  voluntairement  ce  que  la  Loy  leur  commande.  Or  icelie  commande  qu'on  n'apparoisse  point  sans  offrande  devant  Dieu.  11  nous  est  aussi  monstre  en  cela  que  nul  ne  se  dit  subiect  a  son  seigneur  charnel  ou  a  son  bienfaiteur  sans  recongnoissance,  laquelle  est  faite  par  don.  Tiercement  il  s'ensuyt  que  nous  devons  faire  oraison  pour  le  salut  cie  tous  les  hommes  (pource  que  la  vie  de  lesus  Christ  doit  estre  grandement  enflambee  et  vigoreuse  en  nous).  Or  la  vie  de  Christ  consiste  en  cecy,  c'est  a  scavoir,  cercher  ce  qui  est  perdu  et  le  sauver.  A  bon  droit  doncques  on  prie  pour  tous  les  estatz.  Et  pource  que  nous  recevons  vrayement  Iesus  Christ  en  ce  Sacrement,  a  bonne  cause  nous  l'adorons  en  esprit  et  verite:  et  recevons  l'eucharistie  avecques  grande  reverence  et  parachevons  tout  ce  mistere  avecques  louanges  et  action  de  graces.  Ainsi  donques  tout  l'ordre  et  la  rayson  d'administrer  la  Cene  nous  est  notoyre  par  l'institution  d'icelle,  aussi  avec  l'administration  de  L'eglise  ancienne  des  Apostres,  des  Martirs  et  des  saintz  Peres.  Convient  pareillement  qu'en  l'administration  de  tous  les  Sacremens,  nous  usions  de  langue  vulgaire  et  populaire.  Car  tout  ce  qui  est  dit  et  fait  appartient  a  tous  ceux  qui  sont  presens,  et  doit  confirmer  et  esveiller  nostre  Foy  et  enflamber  le  desir  de  Dieu  en  toutes  choses.  Pour  ceste  cause,  quand  nous  admonnestons  le  peuple  de  se  preparer  devant