51:195  195  EPIST.  PAULI  AD  EPHESIOS  196  que  non  Me  quaerenda  est  scrupulose  literalis  psalmi  expositio,  quum  tantum  ad  prophetae  verba  alludat  Paulus,  qualiter  etiam  locum  Mosis  ad  suum  institutum  deflectat^  Hom.  cap.  10,  6.  Praeterquam  autem  quod  nihil  nisi  proprie  et  convenienter  accommodat  Paulus  ad  Christi  personam:  clausula  psalmi  satis  demonstrat,  ad  eius  regnum  pertinere  quae  illic  canuntur.  Yaticinium  enim  apertum  continet  de  gentium  vocatione,  ut  alia  taceam.  In  inferiores  partes.  Hoc  vero  inepte  torquent  quidam  vel  ad  lymbum,  vel  ad  inferos,  quum  de  praesentis  tantum  vitae  conditione  agat  Paulus.  Et  argumentum,  quod  sumunt  ex  gradu  comparativo,  nimis  infirmum  est.  Comparatur  enim  non  una  pars  terrae  cum  altera,  sed  tota  terra  cum  coelo:  ac  si  diceret,  ex  sede  tam  excelsa,  in  hoc  nostrum  profundum  barathrum  descendisse.  10.  Super  omnes  coelos.  Perinde  est  ac  si  diceret  extra  mundum  hunc  creatum.  Nam  quum  dicitur  Christus  in  coelo  esse,  non  sic  accipere  debemus  quasi  resideat  inter  sphaeras,  ut  stellas  numeret:  sed  illic  coelum  significat  locum  sphaeris  omnibus  superiorem,  qui  post  resurrectionem  filio  Dei  est  destinatus.  Non  quod  proprie  locus  sit  extra  mundum:  sed  quia  de  regno  Dei  loqui,  nisi  more  nostro,  non  possumus.  Qui  autem  inde  colligunt,  Christum  locorum  intervallo  non  distare  a  nobis,  eo  quod  idem  valeant  eminentia  supra  omnes  coelos  et  adscensus  in  coelum:  non  animadvertunt  quum  supra  coelos,  vel  in  coelis  locatur,  excludi  quidquid  est  circumferentiae  sub  sole  et  stellis,  adeoque  sub  tota  visibilis  mundi  machina.  Ut  impleret  omnia.  Quoniam  implere  saepe  perficere  significat,  posset  hic  quoque  sic  accipi.  Nam  suo  in  coelum  adscensu  Christus  possessionem  adiit  datae  sibi  a  patre  dominationis,  ut  omnia  regat  sua  virtute  et  moderetur.  Elegantior  tamen,  meo  iudicio,  erit  sensus,  si  duo  in  speciem  contraria  iungantur,  quae  tamen  re  ipsa  inter  se  congruant.  Nam  quum  audimus  adscensum  Christi,  protinus  nobis  in  mentem  venit,  eum  procul  a  nobis  remotum  esse:  et  est  etiam  sane,  quoad  corpus  et  humanam  praesentiam.  Paulus  autem  admonet,  ita  subductum  fuisse  a  nobis  corporali  praesentia,  ut  omnia  tamen  impleat,  nempe  spiritus  sui  virtute.  Nam  quacunque  patet  Dei  dextera,  quae  coelum  et  terram  complectitur,  diffusa  est  spiritualis  Christi  praesentia:  et  ipse  immensa  virtute  sua  adest,  utcunque  corpus  coelo  contineri  oporteat,  secundum  Petri  sententiam  (Act.  3,  21).  Videmus  ut  allusio  ad  speciem  repugnantiae  non  parvam  addat  gratiam.  Adscendit,  sed  ut  coelum  et  terram  impleret,  qui  ante  exiguo  spatio  continebatur.  Sed  annon  prius  implebat?  Certe  sua  divinitate,  fateor  :  sed  virtutem  sui  spiritus  non  ita  exserebat,  nec  in  ea  suam  praesentiam  exhibebat,  sicut  adita  regni  sui  possessione,  Iohan.