50:195  195  EPIST.  PAULI  AD  GALATAS  196  donatur,  non  disputaret.  Neque  enim  pro  absurdo  habent,  neminem  iustificari  operibus  legis  :  et  tamen  nos  operum  merito  censeri  iustos  apud  Deum.  In  summa,  nullam  operum  moralium  hic  fieri  mentionem  ducunt.  Verum  contextus  liquido  demonstrat,  legem  etiam  moralem  comprehendi  in  his  verbis:  nam  quaecunque  fere  subiiciet  Paulus,  ad  moralem  potius  quam  ad  caeremonialem  legem  pertinent.  Deinde  iustitiae  legis  gratuitam  acceptionem,  qua  nos  dignatur  Deus,  perpetuo  opponit.  At  obiiciunt  adversarii,  debuisse  igitur  sine  adiectione  nominari  opera:  nisi  Paulus  ad  certam  speciem  restringere  vellet.  Respondeo,  huius  loquutionis  optimam  esse  rationem  :  neque  enim  etiam  si  quis  sanctitate  angelos  omnes  superet,  ulla  debetur  merces  operibus,  nisi  quia  promissa  est  a  Domino.  Ergo  quod  legis  perfectio  iustitia  est,  ac  mercedem  vitae  aeternae  repositam  habet,  id  ex  Deo  provenit,  qui  pronuntiat  victuros,  qui  eam  impleverint.  Qua  de  re  postea  suo  loco  amplius.  Deinde  certamen  erat  cum  Iudaeis  de  lege.  Maluit  ergo  Paulus  cominus  manus,  ut  ita  dicam,  conserendo,  ipsos  in  sua  arena  confi*  cere,  quam  longius  vagando  praebere  speciem  tergiversantis,  ac  si  causae  diffideret.  Fixo  igitur  pede  in  disputatione  legis  insistit.  Obiiciunt  secundo,  tantum  quaestionem  de  caeremoniis  motam  fuisse  quod  et  nos  fatemur.  Cur  ergo,  inquiunt,  a  particulari  ad  universalem  causam  transiliret  Paulus?  Haec  sola  Origeni  et  Hieronymo  errandi  occasio  fuit:  neque  enim  putabant  convenire,  ut,  quum  de  solis  caeremoniis  contenderent  pseudoapostoli,  plus  apprehenderet  Paulus.  Verum  non  considerarunt  hanc  ipsam  causam  illi  fuisse  tam  acriter  pugnandi,  quod  dogma  illud  longiorem  trahebat  caudam,  quam  prima  fronte  prae  se  ferebat.  Neque  enim  tam  molestum  fuisset  Paulo  caeremonias  servari,  quam  transferri  fiduciam  et  simul  gloriam  salutis  ad  opera.  Quemadmodum  quum  de  prohibitione  carnium  ad  certos  dies  agitur,  non  tam  spectamus  quam  grave  sit  illud,  esum  carnium  interdici,  quam  de  laqueo  conscientiarum  solliciti  sumus.  Non  ergo  extra  causam  spatiatur  Paulus,  quum  disputationem  de  tota  lege  instituit:  tametsi  de  caeremoniis  duntaxat  digladiabantur  pseudoapostoli.  Nam  ideo  caeremoniaa  urgebant  ut  salutem  quaererent  homines  in  observatione  legis:  quia  scilicet  cultum  meritorium  esse  fingebant.  Quare  non  legem  moralem  illis  opponit  Paulus:  sed  solam  Christi  gratiam.  Neque  tamen  in  ista  universali  disceptatione  tota  epistola  consumitur:  tandem  enim  ad  caeremonias  speciatim  descendit.  Sed  quia  hic  praecipuus  erat  nodus,  utrum  operibus  an  fide  iustitia  nobis  contingeret  in  primis  expediri  oportebat.  Quoniam  hodie  papistas  male  habet  si  extorqueamus  sola  fide  iustificari  homines,  gravatim  concedunt  sub  operibus  legis  moralia  comprehendi.  Multi  etiam  eorum  glossa  Hieronymi