5:195  PSYCHOPANNYCHIA.  armandam  suam  fidem,  contra  eorum  pravitatem.  Hoc  credimus,  hoc  exspectamus.  Illis  autem  quid  reliquum,  nisi  ut  fortiter  dormiant  somnum  suum,  donec  eos  expergefaciat  [fol.  17]  clangor  tubae,  qui,  ut  fur,  deprehendet  in  tenebris  dormientes?  Et  si  fidelis  animae  vita,  Deus  est,  perinde  atque  ipsa,  vita  est  corporis:  quid  est  quod  anima,  quamdiu  in  corpore  est,  ipsum  agitat,  nec  unquam  ita  otiosa  est,  intentionemque  suam  remittit,  ut  non  aliqua  officii  parte  fungatur,  Deus  autem  velut  agendo  fatigatus  cessat?  Si  tanta  est  vis  animae,  in  massa  terrae  sustinenda,  movenda,  impellenda:  quanta  vis  erit  Dei  in  anima,  quae  natura  agilis  est,  movenda  et  agenda?  Et  audent  alii  dicere,  animam  evanescere:  alii,  vi  sua  non  exerceri  post  dissolutam  compagem  corporis?  Quid  ergo  respondebunt  ad  carmen  Davidis  (Ps.  84,  8),  quo  principium,  medium,  et  finem  viae  beatorum  describit?  Ibunt,  inquit,  de  virtute  in  virtutem,  videbitur  Deus  deorum  in  Sion:  vel  (ut  habent  hebraica)  de  abundantia  in  abundantiam.  Si  crescunt  semper  donec  Deum  videant,  et  ab  illo  incremento  transeunt  ad  Dei  visionem,  quomodo  eos  sepeliunt  isti  in  ebrietate  et  alta  socordia?  Id  ipsum  testatur  apostolus  (2  Cor.  5,  1  ss.),  et  multo  apertius:  ut  si  rumpantur,  spiritui  Dei  amplius  resistere  non  possint.  Scimus  quod  si  terrenum  domicilium  huius  tabernaculi  destructum  fuerit,  aedificationem  habemus  ex  Deo,  domicilium  non  manu  factum,  aeternum  in  coelis.  Nam  in  hoc  gemimus,  domicilio  nostro,  quod  est  e  coelo,  superindui  cupientes:  si  tamen  induti,  non  nudi  reperiemur.  Etenim,  qui  sumus  in  hoc  tabernaculo,  gemimus  onerati,  propterea  quod  nolumus  exui,  sed  superindui,  ut  absorbeatur  mortalitas  a  vita.  Post  paulo:  Itaque  bono  animo  sumus  semper,  et  scimus  quod  quum  domi  sumus,  in  corpore,  peregrinamur  a  Domino  (per  fidem  enim  ambulamus,  et  non  per  speciem);  confidimus  autem  et  magis  probamus,  peregre  abesse  a  corpore,  et  praesentes  esse  apud  Dominum.  Hic  rimam.inveniunt:  in  diem  iudicii  conferenda  apostoli  verba,  quo  et  superinduimur,  et  absorbetur  mortalitas  a  vita.  Proinde  haec,  inquiunt,  1)  una  clausula  comprehendit  apostolus:  Manifestari  omnes  oportere  coram  tribunali  Christi.  Verum,  cur  illud  superindui  magis  ad  corpus  referunt,  quam  ad  Dei  benedictiones,  quibus  a  morte  luculenter  abundamus?  Quis  cogit  vitam  illam  accipere  de  resurrectione?  Quum  simplex  et  promptus  sit  sensus  apostoli,  nos  quidem  cupere  egredi  ex  hoc  corporis  ergastulo,  sed  non  ut2)  vagemur  incerti  sine  hospitio.  Esse  enim  meliorem  domum,  quam  nobis  Dominus  praeparavit:  si  tamen  induti,  et  non  nudi  reperiemur.  Indumen-  1)  inquiunt,  om.  1542.  2)  ut,  omittunt  1576  seqq.