29:195  195  SERMON  CXCYIIL  196  nous  monstre  sa  vertu  pour  nous  confermer,  et  que  nous  cognoissions  ce  qui  est  ici  dit,  c'est  assavoir  qu'il  n'y  en  a  point  de  semblable  a  Dieu.  Et  ainsi,  quand  nous  verrons  le  monde  se  dresser  contre  nous,  que  nous  verrons  Satan  machiner  ceci  et  cela:  que  tousiours  nous  venions  a  ceste  conclusion-la:  Que  si  Dieu  est  de  nostre  coste,  qui  sera  maintenant  a  rencontre?  Non  pas  que  nous  n'ayons  beaucoup  d'ennemis,  que  nous  ne  soyons  empeschez  a  leur  resister  quant  a  nous:  mais  cependant  si  est-ce  que  Dieu  gagnera  par  dessus.  Voila  donc  comme  nous  avons  a  prattiquer  ceste  doctrine,  que.  quand  nous  aurons  contemple  toutes  les  forces  du  monde,  que  nous  sachions  que  ce  n'est  rien  que  fumee  au  prix  de  la  vertu  inestimable  de  nostre  Dieu,  lequelle  sera  tousiours  appareillee  a  nostre  secours.  Or  cependant  Moyse  adiouste;  Que  Dieu  chevauche  les  cieux  en  nostre  aide^  et  sa  magnificence  est  sur  Ies  nues.  Ceci  est  pour  confirmation  de  la  doctrine  que  nous  avons  desia  ouye.  Et  combien  qu'en  un  mot  il  est  desia  assez  exprime  que  Dieu  n'a  point  son  semblable,  et  qu'il  merite  d'estre  tellement  esleve  sur  tout  le  monde,  que  quand  on  parle  de  luy,  que  tout  le  reste  s'abbaisser  comme  il  est  dit  aux  Prophetes:  Que  si  tost  que  sa  maieste  apparoist,  il  faut  que  le  soleil  perde  sa  clarte,  que  la  lune  soit  obscurcie.  Quoy  qu'il  en  soit,  pource  que  nous  ne  comprenons  point  encores  que  c'est  de  sa  gloire  et  de  sa  vertu  infinie,  voila  pourquoy  il  est  dit  que  Dieu  chevauche  les  cieux,  et  que  sa  maieste  est  par  dessus  Ies  nues.  Comme  s'il  nous  estoit  monstre,  que  toutes  creatures  sont  sous  ses  pieds,  qu'elles  luy  sont  subiettes,  et  qu'il  en  peut  iouyr  comme  il  voudra.  Car  si  Dieu  estoit  mesle  parmi  les  choses  du  monde,  il  y  auroit  a  combatre,  il  y  auroit  souvent  des  rencontres,  et  faudroit  hurter  contre  luy.  Quand  un  homme  viendra  contre  un  autre,  il  faudra  savoir  qui  sera  le  plus  fort  pour  repousser  son  ennemi:  si  Dieu  donc  estoit  en  degre  pareil  et  esgal  avec  les  creatures,  que  seroit-ce?  Mais  quand  il  est  dit  qu'il  chevauche  Ies  cieux,  quHl  surmonte  tout:  par  cela  il  nous  est  monstre  qu'il  assuiettit  a  soy  et  a  son  empire  tout  ce  qui  nous  peut  faire  craindre.  Car  combien  que  Satan  soit  appelle  Prince  du  monde,  combien  qu'il  soit  dit  qu'il  combat  contre  nous  de  l'air,  qu'il  est  sur  nos  testes:  si  est-ce  qu'il  ne  parvient  point  iusques  a  Dieu,  il  faut  qu'il  soit  range.  Ainsi  donc  nous  voyons  en  ce  passage  quelle  est  nostre  incredulite.  Car  quand  nous  aurons  comprins  toutes  chQses,  si  nous  ne  cognoissons  que  c'est  de  Dieu,  qu'y  aura-il  en  nous?  ignorance  et  bestise.  Car  le  principal  de  nostre  sagesse,  n'est-ee  pas  que  nous  soyons  tellement  fondez  en  nostre  Dieu,  que  nous  le  puissions  invoquer,  et  avoir  nostre  refuge  a  luy  en  toute  necessite?  que  nous  ne  doutions  point,  moyennant