27:195  195  SERMON  LXXXIII.  196  luy  qu'appartient  de  nous  imposer  loy.  Et  ne  faut  point  qu'un  homme  mortel  s'esleve  iusques  la:  et  quand  il  usurpe  ce  qui  ne  luy  est  point  deu,  que  nous  le  mesprisions,  et  mesmes  que  nous  l'ayons  en  detestation,  comme  celuy  qui  tasche  a  reverser  l'authorite  de  Dieu.  Voila  donc  ce  que  nous  avons  a  observer,  quand  Dieu  donne  la  permission  et  conge  a  son  peuple  de  manger  en  tous  lieux  de  la  chair,  voire  moyennant  qu'elle  ne  soit  point  sacrifice.  Comme  s'il  disoit:  En  beuvant,  et  en  mangeant  cognoissez  ce  qui  vous  est  licite.  Et  comment  le  pourrez  vous  discerner?  Par  ma  parolle.  Quand  vous  estes  advouez  de  moy,  que  vous  ne  craigniez  plus  rien:  si  les  hommes  vous  imposent  des  loix  nouvelles,  que  tout  cela  soit  frivoile:  car  c'est  assez  que  vous  ayez  liberte  de  par  moy.  Or  notamment  Moyse  adiouste  :  Selon  la  benediction  que  ton  Dieu  saura  donnee.  En  quoy  il  monstre  que  chacun  doit  regarder  sa  faculte,  et  reigler  la  son  appetiit.  Car  si  le  riche  mange  selon  sa  faculte,  c'est  a  dire,  ayant  dequoy,  quand  le  povre  voudra  estre  egal,  il  faut  qu'il  trouve  :  mais  celuy  qui  n'a  point  dequoy  ne  plaist  point  a  Dieu,  quand  il  veut  estre  nourri  aussi  delicatement  que  celuy  qui  est  riche.  Il  est  vray  que  nous  devons  tousiours  retenir  ceste  doctrine  de  S.  Paul,  et  la  prattiquer:  Que  celuy  qui  a  abondance  ne  gourmande  point  pour  se  crever,  et  qu'aussi  il  ne  soit  point  adonne  a  ses  delices:  comme  aussi  il  en  touche  en  l'autre  lieu  au  13.  des  Romains  :  Qu'il  ne  faut  point  que  nous  ayons  le  soin  de  nostre  chair  pour  la  mignarder  par  trop:  car  elle  ne  demande  pas  mieux,  et  nos  apettits  n'ont  nulle  mesure,  mais  que  c'est  un  abysme  confus.  Les  plus  riches  donc,  combien  qu'ils  ayent  grande  provision,  ne  doivent  pas  se  saouler  sans  mesure,  tellement  qu'ils  ne  gardent  tousiours  attrempance,  et  qu'ils  ne  s'employent  de  communiquer  a  ceux  qui  sont  en  disette  et  en  povrete:  car  Dieu  veut  esprouver  la  charite  de  ceux  qui  ont  dequoy,  quand  il  leur  donne  plus  que  leur  usage,  afin  qu'ils  n'espargnent  point  ce  qu'ils  ont:  mais  qu'ils  en  subviennent  a  leurs  povres  freres,  et  indigens.  Mais  tant  y  a  qu'un  riche  pourra  manger  selon  la  benediction  que  Dieu  luy  aura  donnee:  et  il  faudra  qu'un  povre  se  contente,  et  que  s'il  n'a  que  du  pain  bis,  il  ne  tasche  point  a  manger  du  pain  blanc  comme  l'autre:  mais  qu'il  porte  sa  povrete  patiemment,  et  qu'il  demande  a  Dieu  qu'il  le  nourrisse  comme  de  Manne  du  ciel:  encores  qu'il  ne  mange  que  du  pain,  que  cela  luy  serve  de  toutes  viandes.  Voila  en  somme  ce  que  Moyse  nous  a  voulu  monstrer.  Or  c'est  une  bonne  doctrine,  et  bien  utile:  car  par  icelle  nous  sommes  advertis,  que  si  Dieu  nous  donne  abondance,  il  nous  faut  tousiours  regarder  qu'il  habite  au  milieu  de  nous:  et  que  nous  ne  soyons  point  comme  ces  yvrongnes,  que  s'il  y  a  bonne  annee  de  vin,